FL - 雅士餐廳

 

地 址 ： 粉 嶺 聯 和 墟 和 豐 路 23 號 龍 景 樓 地 下
電 話 ： 2675 7861

粉 嶺 聯 和 墟 ， 有 一 間 開 業 快 三 十 年 的 雅 士 餐 廳 ， 曾 經 是 新 界 最 高 級 的 西 餐 廳 ， 幫 襯 的 盡 是 洋 人 鄉 紳 。
開 業 頭 十 多 年 ， 雅 士 的 食 物 沒 有 多 大 改 變 ， 都 是 傳 統 西 餐 ， 味 道 偏 濃 ， 注 重 汁 水 ， 餐 牌 內 夾 雜 了 港 式 口 味 ， 如 焗 豬 扒 飯 、 香 蕉 船 、 意 粉 等 。 不 過 近 十 年 ， 朱 廣 安 加 入 了 不 少 新 款 式 ， 味 道 亦 更 近 香 港 人 ， 像 配 菜 除 了 薯 菜 外 ， 還 可 以 揀 炒 飯 或 意 粉 。 不 論 新 或 舊 ， 這 的 分 量 都 以 大 取 勝 ， 朱 解 釋 是 因 為 英 軍 及 新 界 人 的 食 量 較 大 ， 故 一 道 菜 夠 兩 人 吃 。

羅 宋 湯 $20 散 叫 的 分 量 較 大 ， 雖 不 是 正 宗 的 羅 宋 湯 ， 但 味 道 比 一 般 西 餐 廳 的 甜 ， 入 口 很 稠 很 杰 ， 口 感 很 厚 ， 湯 底 是 用 大 量 牛 肉 熬 成 的 ， 難 怪 肉 味 很 濃 。	銀 袋 焗 牛 仔 柳 $95( 跟 套 餐 ) 已 賣 了 廿 多 年 ， 是 招 牌 菜 ， 用 的 是 新 西 蘭 牛 仔 柳 ， 肉 質 算 嫩 滑 ， 醬 汁 用 白 菌 及 紅 椒 煮 成 ， 甜 中 帶 酸 ， 非 常 開 胃 。
白 酒 香 蕉 龍 柳 炒 飯 $68 最 近 才 推 出 的 菜 式 ， 龍 柳 雖 是 雪 藏 貨 ， 但 先 煎 過 ， 再 用 芝 士 焗 ， 一 點 雪 味 也 沒 有 ， 汁 內 加 了 香 蕉 汁 、 白 酒 ， 頗 香 口 。	茴 香 燒 羊 仔 膝 $92 分 量 很 大 ， 是 以 前 英 軍 最 愛 的 菜 式 之 一 ， 羊 肉 嫩 口 ， 有 朕 香 草 味 ， 汁 水 也 很 不 錯 ， 是 用 芥 末 、 燒 肉 汁 及 紅 酒 煮 成 ， 味 道 濃 郁 而 帶 微 辣 ， 吃 時 不 需 再 另 加 芥 末 。

香 蒜 燒 豬 仔 骨 串 $75 一 碟 有 四 條 骨 ， 分 量 非 常 大 ， 兩 人 吃 剛 剛 好 ， 豬 仔 骨 用 焦 糖 燒 過 ， 口 感 外 脆 內 軟 ， 汁 是 用 西 梅 及 紅 酒 煮 成 ， 味 道 酸 甜 。	橙 汁 煮 班 戟 $60 只 在 非 繁 忙 時 間 供 應 ， 水 準 拍 得 住 Amigo ， 用 四 種 酒 煮 成 ， 班 戟 亦 是 即 叫 即 煎 ， 入 口 有 朕 濃 烈 的 酒 味 。
焗 豬 扒 飯 $42 分 量 超 大 ， 有 四 至 五 塊 豬 扒 ， 即 叫 即 焗 ， 很 香 口 惹 味 。 飯 底 非 常 好 味 ， 是 廚 師 炒 過 才 拿 去 焗 的 ， 夠 晒 鑊 氣 。	香 蕉 船 $70 雪 糕 雖 是 普 通 貨 色 ， 但 雅 士 保 留 了 舊 香 港 傳 統 ， 仍 然 會 插 把 紙 傘 ， 加 幾 片 威 化 餅 和 少 許 車 厘 子 忌 廉 ， 一 路 吃 ， 小 時 候 的 回 憶 湧 上 心 頭 。

 

熱 戀

高 薪 挖 角 ， 雅 士 的 食 物 果 然 與 眾 不 同 ， 以 往 粉 嶺 的 西 餐 廳 主 要 供 應 酒 水 及 小 食 ， 像 火 車 站 旁 的 畢 打 奧 （ Better'Ole ） 最 出 名 是 Wall's Sausage 及 豬 肉 餡 餅 。 雅 士 打 破 了 這 個 悶 局 ， 除 了 售 賣 新 西 蘭 牛 柳 、 龍 蝦 湯 、 焗 龍 蝦 等 高 級 菜 式 外 ， 還 做 只 有 市 區 高 級 西 餐 才 有 的 fine dining ， 在 粉 嶺 成 為 一 時 佳 話 。
「 新 西 蘭 牛 柳 分 好 多 級 ， 我 用 最 好 PS 級 ， 好 多 西 餐 廳 都 只 係 用 次 一 等 bull 同 cow 咋 ！ 我 入 貨 仲 要 比 人 貴 ， 因 為 量 唔 多 ， 咁 樣 的 肉 就 唔 會 放 太 耐 ， 食 落 都 新 鮮 的 啦 。 陣 夜 晚 好 巴 閉 ， 經 理 客 人 面 前 煎 牛 柳 ， 成 日 有 人 窗 口 望 入 睇 熱 鬧 ， 不 過 都 係 睇 多 食 少 ， 貴 嘛 ！ 一 道 菜 成 七 八 十 蚊 ， 幫 襯 多 數 係 外 國 人 。 」 總 廚 曹 師 傅 說 。
八 十 年 代 是 雅 士 的 全 盛 期 ， 朱 廣 安 與 弟 弟 拍 住 上 ， 餐 廳 生 意 很 好 ， 成 了 附 近 英 軍 的 飯 堂 ， 每 個 月 軍 營 都 包 場 開 party 到 凌 晨 。 名 人 如 廖 鳳 鳴 、 黃 宏 發 、 譚 詠 麟 ， 都 曾 慕 名 而 來 。 不 久 ， 同 走 高 級 西 餐 路 線 的 高 雅 餐 廳 加 入 競 爭 ， 畢 打 奧 又 從 火 車 站 搬 了 來 附 近 ， 但 雅 士 已 搶 了 先 機 ， 對 生 意 影 響 不 大 。 那 時 ， 朱 廣 安 每 日 放 工 都 會 第 一 時 間 到 鋪 頭 幫 手 ， 朋 友 時 常 取 笑 他 緊 張 鋪 頭 多 過 老 婆 及 工 作 。
「 佢 誇 張 ， 點 會 唔 緊 張 屋 企 人 ？ 不 過 呢 間 鋪 ， 點 講 都 係 自 己 一 手 一 腳 搞 出 ， 中 間 梗 有 感 情 ！ 」 朱 廣 安 說 。

侍 應 的 制 服 頗 老 土 ， 但 原 來 是 當 年 朱 自 已 設 計 的 。

英 國 人 喜 歡 飲 的 烈 酒 ， 現 在 主 要 用 來 做 愛 爾 蘭 咖 啡 。

暫 別

這 感 情 ， 像 熱 戀 ， 叫 人 盲 目 。 但 熱 戀 的 階 段 ， 總 是 短 暫 的 。
八 十 年 代 中 ， 香 港 回 歸 中 國 已 塵 埃 落 定 ， 坊 間 掀 了 一 片 移 民 潮 。 九 二 年 ， 朱 在 家 人 的 要 求 下 ， 帶 老 婆 及 兩 個 女 兒 移 民 到 美 國 去 。 那 心 愛 的 餐 廳 ， 就 只 好 交 給 繼 續 留 下 的 弟 弟 打 理 。 走 ， 他 心 實 在 很 不 捨 得 ， 但 有 弟 弟 在 ， 餐 廳 可 以 繼 續 ， 又 找 不 到 留 下 的 理 由 。
然 而 ， 面 對 自 己 一 手 創 辦 的 餐 廳 ， 他 還 是 那 樣 難 捨 難 離 。 臨 走 前 的 幾 個 月 ， 朱 廣 安 天 天 拿 相 機 回 餐 廳 ， 在 一 片 嚓 的 快 門 聲 中 ， 希 望 能 把 雅 士 的 一 切 都 拍 下 來 。
「 陣 足 足 影 三 箱 ， 連 夥 計 都 話 我 誇 張 。 但 係 我 一 諗 到 ， 以 後 唔 可 以 日 日 見 到 佢 ， 個 心 就 好 唔 開 心 ， 所 以 咪 搏 命 影 ！ 」 朱 廣 安 說 。
一 箱 箱 的 照 片 ， 盛 載 了 他 和 雅 士 多 年 的 回 憶 ， 在 遙 遠 的 彼 邦 ， 化 成 一 種 幽 深 的 思 念 ， 揮 之 不 去 。 他 走 了 之 後 ， 就 像 患 了 單 思 病 一 樣 ， 悶 悶 不 樂 ， 對 餐 廳 總 是 念 念 不 忘 。 他 本 以 為 弟 弟 會 一 直 把 餐 廳 延 續 下 去 ， 怎 知 隨 香 港 回 歸 ， 一 切 都 起 了 變 化 ， 英 軍 陸 續 撤 出 香 港 ， 餐 廳 失 去 了 最 重 要 的 客 群 。 接 聯 和 墟 清 拆 ， 連 餘 下 的 鄉 紳 也 沒 有 了 ！ 雅 士 的 生 意 日 走 下 坡 ， 只 能 勉 力 支 撐 。 九 七 年 的 一 個 清 晨 ， 遠 在 美 國 的 他 ， 終 於 接 到 了 弟 弟 的 長 途 電 話 。
「 佢 話 生 意 難 做 好 多 ， 佢 都 決 定 要 移 民 ， 不 如 執 佢 （ 雅 士 ） 咁 話 。 我 當 時 一 聽 到 ， 成 個 心 耷 晒 ， 好 似 聽 到 一 個 親 人 就 死 咁 ！ 一 刻 ， 我 覺 得 唔 可 以 再 失 去 佢 ， 失 去 佢 ， 我 跟 住 落 日 子 都 會 唔 開 心 ！ 」
於 是 ， 他 和 太 太 商 量 想 回 來 接 手 ， 但 太 太 覺 得 一 家 人 早 已 落 地 生 根 ， 不 同 意 回 來 。 朱 廣 安 不 理 家 人 反 對 ， 放 下 美 國 的 一 切 ， 一 個 人 回 來 。

雅 士 的 掛 畫 剛 更 換 過 ， 只 有 這 幅 鬥 牛 畫 留 下 ， 朱 說 因 為 喜 歡 鬥 牛 士 的 勇 氣 。	餐 牌 上 有 很 多 套 餐 ， 為 方 便 客 人 揀 ， 全 部 都 拍 了 照 片 。
家 人 都 不 在 香 港 ， 朱 每 日 都 在 餐 廳 解 決 兩 餐 ， 有 時 順 便 試 試 新 菜 式 。

重 逢

一 九 九 七 年 七 月 ， 香 港 人 正 在 慶 祝 回 歸 ， 五 十 三 歲 的 朱 廣 安 卻 帶 忐 忑 的 心 情 ， 獨 自 返 港 。 一 別 經 年 ， 踏 進 聯 和 墟 ， 眼 前 那 曾 經 風 華 絕 代 ； 曾 經 是 新 界 最 時 髦 ， 最 高 級 的 的 雅 士 餐 廳 ， 竟 已 變 成 色 衰 頹 敗 、 不 合 時 宜 的 模 樣 。 朱 廣 安 的 心 ， 也 像 被 刀 割 一 樣 的 痛 。
「 時 生 意 額 跌 七 八 成 ， 由 以 前 晚 晚 爆 滿 ， 跌 到 一 晚 都 坐 唔 夠 三 分 一 ， 樓 面 侍 應 仲 多 過 客 ， 每 日 收 入 僅 夠 開 支 ， 夥 計 見 勢 色 唔 對 ， 一 搵 到 工 就 走 人 ， 連 剩 低 經 理 都 同 我 講 ， 話 不 如 執 佢 算 數 ！ 」 他 說 。
弟 弟 走 了 ， 夥 計 也 走 了 ， 連 得 力 手 下 也 叫 他 收 檔 。 當 周 遭 的 人 都 打 算 放 棄 雅 士 ， 朱 廣 安 卻 沒 有 想 過 放 棄 。
「 我 最 多 唔 出 糧 ！ 用 少 著 少 ， 但 雅 士 係 我 夢 想 ， 一 定 要 繼 續 做 落 去 ， 我 唔 會 放 棄 ！ 冇 係 解 決 唔 到 ！ 」 朱 說 。
於 是 ， 他 挖 荷 包 重 新 把 店 粉 飾 ， 舊 了 的 批 盪 重 新 翻 新 了 ， 了 的 鐵 枝 就 找 人 拆 了 換 掉 ， 一 手 一 腳 ， 一 點 一 滴 ， 把 那 當 年 的 夢 從 頭 築 構 過 來 。

雅 士 內 全 是 圓 拱 形 柱 位 ， 裝 修 時 要 拆 掉 所 有 牆 壁 。

總 廚 曹 師 傅 初 入 行 時 只 是 學 徒 ， 廿 七 年 過 去 ， 已 變 了 大 廚 。

緣 續

外 觀 翻 新 了 ， 就 輪 到 生 意 。 從 九 七 年 起 ， 朱 廣 安 作 了 不 少 改 革 ， 首 先 ， 他 放 棄 了 a la carte menu ， 推 出 大 量 套 餐 ， 午 市 晚 市 共 三 四 十 款 。 他 更 為 每 款 套 餐 拍 照 放 在 餐 牌 內 ， 易 看 又 易 揀 ， 套 餐 靈 活 性 極 大 ， 可 以 隨 便 左 拼 右 拼 ， 銀 鱈 魚 可 拼 牛 柳 ， 也 可 拼 西 冷 、 豬 扒 ， 或 雞 扒 。 數 年 前 ， 更 推 出 鐵 板 餐 等 新 菜 式 ， 平 民 化 一 點 ， 吸 引 街 坊 區 內 人 。
「 鐵 板 餐 餐 牌 上 冇 ， 要 客 人 開 聲 先 至 有 。 以 前 老 闆 成 日 話 真 正 西 餐 係 唔 會 用 鐵 板 上 ， 係 用 碟 上 ！ 不 過 而 家 的 人 鍾 意 食 ， 佢 都 冇 符 。 要 改 ， 其 實 老 闆 都 唔 想 ， 不 過 ， 為 生 意 ， 真 係 冇 辦 法 。 」 總 廚 曹 師 傅 說 。
他 真 是 個 癡 癡 的 傻 小 子 ， 九 九 年 ， 雅 士 鋪 位 的 業 主 打 算 賣 鋪 移 民 ， 朱 廣 安 知 道 餐 廳 若 要 繼 續 經 營 ， 買 鋪 是 唯 一 長 治 久 安 的 方 法 ， 於 是 問 銀 行 借 了 數 百 萬 ， 以 高 於 市 價 將 鋪 位 買 下 。
「 陣 邊 度 諗 得 咁 多 ， 就 好 似 你 愛 人 有 病 咁 ， 你 冇 錢 ， 但 銀 行 肯 借 錢 俾 你 ， 你 借 唔 借 ？ 」 朱 廣 安 說 。
為 了 雅 士 ， 他 甘 心 冒 險 ， 十 年 過 去 ， 生 意 總 算 慢 慢 穩 定 下 來 。 不 過 ， 跟 昔 日 相 比 ， 已 不 能 同 日 而 語 ， 現 在 做 的 都 是 較 平 價 的 套 餐 ， 要 薄 利 多 銷 才 能 賺 錢 ， 昔 日 的 經 理 推 餐 車 fine dining 的 情 景 ， 只 有 在 人 少 時 才 出 現 ， 桌 子 上 的 鮮 花 也 因 減 低 成 本 而 變 了 膠 花 。 經 濟 欠 佳 ， 連 本 地 客 也 減 少 了 ， 附 近 的 兩 間 西 餐 廳 ， 畢 打 奧 及 高 雅 ， 都 先 後 於 去 年 結 業 及 轉 型 。
但 朱 廣 安 仍 然 沒 有 想 過 放 棄 ， 縱 然 生 意 不 如 前 、 縱 然 獨 個 兒 在 香 港 、 縱 然 下 一 代 也 無 人 願 意 接 手 ， 但 他 還 是 甘 心 忍 受 ， 默 默 守 下 去 。
「 冇 諗 過 要 再 做 幾 耐 ， 做 得 幾 耐 咪 得 幾 耐 ， 呢 個 係 我 心 中 一 個 夢 ， 有 感 情 入 面 。 你 話 我 傻 又 好 、 癡 又 好 ， 我 唔 理 ， 我 只 係 想 個 夢 繼 續 發 落 去 ！ 」 朱 廣 安 說 。
世 間 若 是 有 情 癡 ， 那 情 癡 ， 一 定 是 個 愛 做 夢 的 人 。

經 已 出 家 的 前 藝 人 廖 鳳 鳴 曾 在 成 報 專 欄 介 紹 雅 士 。	餐 桌 上 的 花 瓶 、 調 味 瓶 款 式 極 懷 舊 ， 朱 說 已 買 不 到 。
畢 打 奧 已 關 門 大 吉 ， 正 在 等 待 拆 卸 。	英 軍 離 去 ， 曾 經 是 競 爭 對 手 的 高 雅 餐 廳 已 變 了 間 客 家 菜 館 。

把 夢 留 住 　 雅 士 餐 廳

粉 嶺 聯 和 墟 ， 有 一 間 開 業 快 三 十 年 的 雅 士 餐 廳 ， 曾 經 是 新 界 最 高 級 的 西 餐 廳 ， 幫 襯 的 盡 是 洋 人 鄉 紳 。 白 色 的 古 堡 式 圓 拱 、 茶 色 的 落 地 玻 璃 、 黑 色 的 雕 花 鐵 圍 欄 … … 暗 淡 的 燈 光 下 ， 經 理 在 客 人 面 前 煎 牛 柳 ， 表 演 fine dining ， 優 雅 得 像 一 個 雍 容 的 閨 秀 ， 讓 幾 許 名 人 雅 士 競 折 腰 。 可 是 ， 那 高 雅 的 時 代 已 終 結 ！ 九 七 後 ， 軍 營 換 了 主 人 、 聯 和 墟 也 關 了 ， 洋 人 和 鄉 紳 都 不 見 了 。 雅 士 ， 也 像 個 遲 暮 的 美 人 ， 被 遺 忘 在 時 代 的 一 角 ， 斯 人 獨 憔 悴 。 然 而 ， 卻 有 一 個 傻 子 ， 甘 棄 安 逸 與 浮 華 ， 把 自 身 的 命 運 與 店 鋪 連 結 在 一 起 ， 長 相 廝 守 、 此 志 不 渝 ， 癡 癡 的 守 候 在 她 身 旁 ， 默 默 與 她 共 度 餘 生 。 「 我 當 佢 係 我 愛 人 一 樣 ， 只 要 我 一 日 仲 識 行 識 走 ， 唔 理 八 十 歲 定 一 百 歲 ， 都 會 繼 續 做 落 去 。 」 雅 士 老 闆 ， 六 十 四 歲 的 朱 廣 安 說 。 死 生 契 闊 、 與 子 相 遇 、 執 子 之 手 、 與 子 偕 老 。 問 世 間 情 為 何 物 ？ 今 天 ， 竟 在 人 與 店 之 間 ， 發 現 了 情 。

邂 逅

晚 上 八 點 ， 雅 士 餐 廳 熱 鬧 如 昔 ， 坐 滿 了 來 吃 晚 飯 的 人 。 三 五 成 群 的 後 生 仔 ， 帶 小 孩 的 師 奶 ， 打 單 泡 的 中 年 漢 … … 清 一 色 是 本 地 街 坊 ， 客 路 跟 普 通 的 港 式 西 餐 廳 沒 啥 分 別 。
食 物 也 一 樣 ， 款 式 不 算 特 別 ， 盡 是 港 式 西 餐 常 見 的 鑊 仔 牛 柳 、 羅 宋 湯 、 焗 豬 扒 飯 、 香 煎 龍 柳 等 。 價 錢 是 香 港 人 最 愛 的 大 件 夾 抵 食 ， 焗 豬 扒 飯 有 四 五 塊 豬 扒 及 一 大 碟 炒 飯 ， 兩 個 女 人 吃 也 嫌 多 ， 卻 只 賣 四 十 二 元 。 打 開 餐 牌 ， ABCDE 餐 任 揀 ， 前 菜 + 主 菜 + 餐 湯 + 甜 品 + 咖 啡 ， 埋 單 一 百 五 十 元 有 找 。
這 樣 的 場 景 ， 讓 人 很 難 想 像 ， 這 曾 經 是 新 界 最 高 級 的 西 餐 廳 ， 顧 客 九 成 是 外 國 人 。 八 十 年 代 間 ， 來 這 吃 扒 ， 每 人 平 均 消 費 要 二 百 元 以 上 ， 每 月 的 營 業 額 高 達 數 百 萬 。
「 以 前 附 近 多 軍 營 ， 新 圍 、 皇 后 山 、 石 崗 都 有 ， 英 軍 晚 晚 帶 住 家 眷 飲 酒 食 飯 ， 食 親 都 係 散 嗌 。 又 鍾 意 飲 酒 ， 拔 蘭 地 、 威 士 忌 … … 一 個 人 閒 閒 二 三 百 蚊 ！ 餐 牌 淨 係 得 a la carte menu ， 著 牛 仔 褲 、 短 褲 都 唔 俾 入 ！ 」 一 手 創 立 雅 士 的 朱 廣 安 回 憶 說 。

由 雅 士 往 外 望 是 聯 和 墟 ， 現 已 變 了 做 停 車 場 。

個 子 高 大 的 朱 廣 安 ， 今 年 六 十 四 歲 ， 頭 髮 永 遠 蠟 得 整 齊 ， 架 副 眼 鏡 ， 一 身 恤 衫 西 褲 斯 文 裝 ， 是 雅 士 的 老 闆 兼 話 事 人 。
每 天 早 上 十 時 許 ， 他 就 會 回 鋪 頭 ， 直 至 晚 上 九 時 許 才 離 開 。 他 是 老 闆 ， 運 作 早 已 交 予 員 工 打 理 ， 來 鋪 頭 ， 他 其 實 沒 啥 特 別 事 幹 ， 大 多 數 時 間 都 只 是 站 在 水 吧 ， 凝 神 看 員 工 們 來 來 回 回 ， 看 客 人 進 進 出 出 ， 看 餐 廳 的 樑 樑 瓦 瓦 而 已 。
旁 人 ， 也 許 覺 得 他 是 個 沒 事 做 的 老 頭 ， 怎 也 看 不 出 他 凝 神 的 底 蘊 。 只 有 他 知 道 ， 就 在 癡 癡 迷 迷 、 恍 恍 惚 惚 間 ， 又 回 到 那 湮 遠 的 過 去 ， 重 溫 那 段 與 她 邂 逅 的 日 子 … …
那 日 子 ， 是 朱 廣 安 的 中 學 時 代 。 一 個 足 不 離 鄉 的 鄉 下 仔 ， 因 考 上 了 旺 角 的 伊 利 莎 伯 中 學 ， 第 一 次 出 城 。
「 細 個 窮 ， 未 食 過 西 餐 ， 後 來 同 學 帶 我 去 太 子 雄 雞 ， 有 墊 凳 ， 有 布 ， 好 優 雅 。 叫 牛 扒 ， 侍 應 會 你 面 前 淋 汁 ， 渣 一 聲 ， 煙 霧 瀰 漫 ， 種 氣 氛 好 似 初 戀 咁 ， 一 見 鍾 情 。 」 朱 廣 安 說 。
那 是 一 種 觸 電 的 感 覺 ， 自 此 深 深 刻 在 他 靈 魂 的 深 處 ， 難 以 忘 懷 。 那 時 他 學 生 哥 一 個 ， 沒 多 零 用 錢 ， 但 卻 像 被 鬼 迷 一 樣 ， 寧 願 天 天 捱 麵 包 省 錢 ， 省 下 錢 來 ， 就 約 同 學 上 車 厘 哥 夫 、 上 雄 雞 。 每 次 拿 起 刀 叉 ， 心 總 噗 噗 的 跳 ， 一 邊 吃 ， 一 邊 像 偷 會 夢 中 情 人 一 樣 ， 興 奮 莫 名 。

接 手 十 年 是 香 港 人 最 困 難 的 十 年 ， 午 市 後 ， 朱 喝 咖 啡 ， 回 憶 湧 上 心 頭 。

餐 廳 的 標 誌 ， 都 是 朱 廣 安 親 手 設 計 。

老 派 的 燈 罩 。 為 餐 廳 添 了 幾 分 懷 舊 。

「 有 時 連 自 己 都 唔 知 點 解 會 咁 ， 只 係 成 日 諗 ， 如 果 第 日 自 己 可 以 有 間 一 樣 餐 廳 ， 你 話 幾 好 呢 ！ 」
然 而 ， 這 年 少 的 夢 想 ， 只 深 深 埋 在 少 年 的 心 事 。 中 五 畢 業 後 ， 他 像 大 部 分 人 的 生 活 軌 跡 一 樣 ， 出 來 做 事 ， 投 考 警 隊 ， 收 入 穩 定 。 然 後 拍 拖 、 然 後 結 婚 、 然 後 生 仔 ， 然 後 有 了 現 實 的 家 庭 負 擔 ， 那 遙 遠 的 夢 想 ， 只 好 擱 在 更 遙 遠 的 地 方 ， 慢 慢 封 塵 。
直 至 一 九 七 九 年 ， 他 本 來 行 船 的 弟 弟 ， 因 為 結 婚 辭 了 職 要 出 來 找 事 做 ， 知 道 他 曾 想 過 做 西 餐 ， 鼓 勵 他 嘗 試 一 起 拍 檔 ， 那 才 重 燃 他 那 久 藏 心 的 熱 火 。
「 一 聽 到 佢 叫 我 不 如 試 下 搞 餐 廳 ， 個 心 就 好 似 有 團 火 咁 燒 起 ， 好 興 奮 ！ 呢 個 係 我 一 直 夢 想 ， 細 佬 全 職 搞 ， 我 可 以 兼 職 做 ， 繼 續 保 留 正 職 ， 一 舉 兩 得 。 」
觸 電 的 感 覺 ， 久 別 重 臨 。 於 是 ， 朱 廣 安 想 也 不 想 ， 把 整 副 身 家 都 掏 出 來 ， 像 個 初 戀 的 小 子 ， 不 顧 後 果 、 頭 也 不 回 ， 一 頭 栽 下 去 。

追 求

可 是 決 定 容 易 ， 實 行 很 難 ！ 他 有 熱 誠 ， 卻 沒 經 驗 。 就 像 找 鋪 選 址 ， 已 夠 他 費 煞 思 量 。 當 時 市 區 早 有 不 少 著 名 西 餐 廳 ， 要 在 芸 芸 競 爭 者 中 生 存 並 不 容 易 ， 他 找 了 幾 個 月 也 找 不 到 理 想 的 地 點 開 業 。 後 來 見 老 家 粉 嶺 附 近 有 三 個 英 軍 軍 營 ， 卻 只 有 幾 間 餐 廳 酒 吧 給 他 們 消 遣 ， 覺 得 在 粉 嶺 做 高 級 西 餐 有 可 為 ， 於 是 心 口 掛 個 勇 字 ， 冒 險 在 聯 和 墟 開 業 。
一 九 八 一 年 ， 雅 士 餐 廳 正 式 開 幕 ， 朱 前 後 共 用 了 一 年 多 時 間 籌 備 。 對 這 個 夢 中 情 人 ， 他 要 求 很 高 ， 不 惜 工 本 ， 一 切 都 要 做 到 最 好 。 像 裝 修 ， 他 聽 朋 友 說 跑 馬 地 著 名 高 級 西 餐 廳 Amigo 的 環 境 典 雅 ， 就 老 遠 跑 到 人 家 的 餐 廳 邊 食 邊 記 錄 ， 一 牆 、 一 柱 、 一 道 鐵 欄 、 一 個 圓 拱 ， 都 照 心 儀 的 Amigo 來 裝 修 ， 還 把 餐 廳 命 名 為 雅 士 ， 與 Amigo 的 中 文 名 稱 雅 谷 只 差 一 字 。 然 而 ， 聯 和 墟 的 鋪 位 小 ， 做 不 到 Amigo 般 的 圓 拱 形 大 窗 ， 他 竟 索 性 租 下 兩 個 鋪 位 然 後 打 通 ， 把 那 個 Amigo 式 的 圓 拱 打 造 出 來 。 做 好 裝 修 ， 他 又 大 費 周 章 的 找 人 做 菜 ， 終 日 四 圍 去 試 ， 覺 得 當 時 大 埔 羅 馬 餐 廳 的 菜 及 服 務 做 得 好 ， 就 想 也 不 想 ， 用 高 薪 請 了 總 廚 及 經 理 過 檔 。
「 本 來 想 請 市 區 高 級 餐 廳 大 廚 ， 但 係 粉 嶺 太 遠 冇 人 肯 入 。 陣 親 戚 朋 友 話 搞 到 咁 大 ， 個 個 都 唔 睇 好 ， 連 我 自 己 同 細 佬 都 懷 疑 過 ， 成 日 諗 ： 粉 嶺 未 試 過 有 間 咁 高 級 餐 廳 ， 究 竟 有 冇 生 意 ？ 不 過 唔 知 點 解 當 時 就 係 咁 傻 ， 個 心 一 味 諗 住 以 前 種 感 覺 ， 想 開 間 心 目 中 最 完 美 西 餐 廳 ！ 」 朱 傻 傻 地 說 。

水 吧 的 光 哥 由 廿 零 做 到 四 十 零 歲 ， 他 老 婆 以 前 也 在 雅 士 工 作 。

杯 墊 也 印 上 了 餐 廳 的 標 誌 和 英 文 名 稱 。