小西灣 拿督星馬冰室

愛吃星馬菜的都應該幫襯過「星加坡陳太」，由尖沙咀細鋪變大鋪，再搬到北角，近期轉戰柴灣，以冰室形式捲土重來。新店主打麵飯類大眾化菜式，喇沙、黑豉油乾撈麵、椰漿飯、咖喱等等，集合幾間鋪客人熱捧款式。
撈麵用上新加坡黑豉油和豬油，特別香。椰漿飯以椰汁和斑蘭葉煮，清香十足。家庭小菜亦很有心思，芽菜特別從怡保空運抵港，一星期三次，肥短的芽菜爽口清甜，只要加鹹魚茸炒香，已經是清爽好味的小菜。熟客仔吃慣陳太招牌菜，都識柯打奶油大蝦、咖喱蟹之類。店中現可預訂私房菜，吃過粉麵飯飽肚小吃，仲有大把地道星馬娘惹菜你揀。

拿督星馬冰室

地址︰柴灣道 23號富怡花園 C7-C9號鋪
電話︰ 2505 9331
營業時間︰ 11:30am-10:30pm
平均消費︰$80

炆魚肚雞腳黑豉油乾撈麵$32
魚肚雞腳以黑豉油、金華火腿、瑤柱等去炆，雞腳入口腍滑，魚肚腍中帶爽，撈麵帶豬油香，不太鹹，還滲着醬油甜味。

怡保鹹魚銀魚仔炒芽菜$42
芽菜清爽清甜，加馬拉銀魚仔和梅香鹹魚茸去炒，少少鹹香吊味，眨眼吃光。

胡椒炒蟹$20/兩（須預訂）
不在餐牌上，但很多客 order，索性晚晚加推。以新加坡黑椒、乾葱、蒜茸、指天椒等生炒肉蟹，夠鑊氣夠色夠味。

焗咖喱麵包雞$59
麵包搽牛油去焗，香脆得來咬落鬆軟，咖喱汁味很濃，香辣開胃。