怪現象
寫咗好多期，唔係西餐，就日本餐，同編輯傾起，大家都 feel到好似近日冇人敢大鑼大鼓開中餐。梗係啦，咁貴租。就嚟大家變西人了！ Hello……
寫咗好多期，唔係西餐，就日本餐，同編輯傾起，大家都 feel到好似近日冇人敢大鑼大鼓開中餐。梗係啦，咁貴租。就嚟大家變西人了！ Hello……
絕少介紹潮州…
因為舊的潮州鋪啲裝潢太可怕，永遠好似開張五十年都未換過啲枱枱櫈櫈，甚至枱布都係五十年前那張，由深粉紅洗到淡粉紅！當然最 unpleasant係啜腳的䃈磚， yuck！䃈磚應是滑的，䃈磚能啜腳，你話幾恐怖！
到可以坐得好啲嘅潮州鋪，啲滷水又太新，唔好味道！！！
所以點介紹潮州鋪呢？！
背景
陳老闆是潮州人，做咗廚師四十多年。舊店在銅鑼灣廣場 2期。搬來新址七個月。陳老闆好有熱誠，店小小，出品一流！有很多難能可貴的極品！只可惜間鋪係見到門口都唔想入……（扣了一個"十"）
難能可貴的極品
潮州三寶滷水$128
;)
鵝紅和鵝片墊底。鵝紅已很少地方有得食，唔錯。鵝片都只不過用嚟墊碟底，可想而知，放面的真是極品。先是鵝腸，而家想搵條鵝腸打吓邊爐都難。嘩，佢啲鵝腸好似我咁肥嘟嘟，好甘香，又爽。還有另一寶更是極品——滷水鵝肝，就連一位在法國大，好識食嘅朋友都大讚好。鵝肝切得大大片，厚厚的，樣子普通，但入口溶化，又冇筋。好好食。
馬友魚$168
;)
我一向不愛魚，尤其凍魚，而潮州凍魚多是大眼雞，烏頭。她有不同的馬友，今次是一整條，好有魚味，肉不是死實實，好甜好滑。另一次亦是馬友，但那條馬友可能好大，所以一片片厚厚的凍魚，又幾新奇！
清湯炖黑草羊$293
;)
一定要試！你知我屬羊，所以從小都唔食羊，但這個炖湯，好清，好甜，一點也不羶，絕不似羊湯。還有兩、三嚿羊腩，嘩，入口溶化，好好味。冬天，飲完很暖胃呢，好正！好正！ Must Try。
芋泥和炸油菓
不喜歡芋泥（$25/碗），但從未食過咁好食的芋泥，淡一點更好。油粿（$30/碟），炸得好鬆脆，餡不會太多，一口啖落去，啲花生和糖漿辣到脷都熟。
;)
;)
;)
沙嗲牛河
1.川椒雞$68
2.沙嗲牛河$58 好好食！
3.蠔餅$58
4.螄蚶$68
潮州邨
地址：天后銀幕街 16號地庫
電話： 2887 1801
營業時間： 12nn-12mn
