可是，當大家以為這次 UFO熱和以前一樣只會是曇花一現，聯合國卻忽然委任外太空事務辦公室主管奧斯曼（ Mazlan Othman）為全球首個外星人大使。這意味着，點到你唔信有外星人？
以下這報道可能會大大刺激你的想像空間，或者睇到一半罵我亂噏廿四。不過，對於未知的事早有準備總是好的，看完這報道後，即使某日 SOGO門口停了架 UFO，你至少不會太驚怕。
你信唔信有 UFO？答案是甚麼也不重要，事實上是愈來愈多人相信。宇宙這樣大，如果只得地球人，我們豈不是很寂寞？信神信佛往往都是來自單純的向善心，而相信 UFO的他們卻可以旁徵博引，數據證據多到你頭暈。他們個個神志清醒，有正常職業，有怕 UFO的、有期待 UFO的、有見過 UFO的。有人說他們迷信，但可能不信有 UFO才是真正的迷信。
雲海：人類可能只係外星人食物
DJ，超自然及神秘事件專家
幾乎與所有靈異事件拉上關係的雲海，儼然 UFO的代言人。訪問在商台進行，當奴、余迪偉一見雲海做訪問，異口同聲就是一句：「講 UFO呀？」誰叫他去過羅茲威爾，又去過美國 51區調查 UFO事件，不找他找誰？
「點解會信有 UFO？我覺得認為冇 UFO的人，諗嘢真係好落後喎！」雲海說，他小時候去太空館天象廳睇星空旅行，已經覺得宇宙浩瀚，不可能只有地球孕育出生命。「我唔會去說服人家相信有 UFO，但是我去過羅茲威爾，同好多當地人做訪問，佢哋個個都有不同的 UFO經歷。如果係講大話，唔通成個鎮嘅人都一齊講大話？」
;)
;)
外國 UFO書記載的這種名為 Cheruboids的外星人（左），長有帶羽毛的翅膀，似隻冇頭雞，聞說開心時會鬆毛鬆翼喔喔叫，是雲海（右）最怕的品種。
地球是一個「農場」
雲海對於各種怪異事件的接受能力，可能是全港 top 10。他不但信有 UFO，更把 UFO和陰謀、謊言畫上等號。
「 UFO來地球一定有原因。如果佢哋可以從咁遙遠的地方來到，即是他們的科技一定比我們高，咁佢哋係咪想拎一啲佢哋冇嘅嘢？如果佢哋拎到，我哋會唔會唔着數呢？有一樣嘢我好唔想面對的，就係 UFO來到，目的係捉人做食物。」
雲海話，美國每年都有 10萬人神秘失蹤，政府愛理不理，很有可能是用來交換外星人的技術。「有冇留意到近百年來人類科學突飛猛進，而人口同時急升？會唔會係外星人同某啲國家有協議，用人來做研究、繁殖、食物，接洽的政府就可以獲得科技？雖然有咁多人見過 UFO，各國政府唔俾民眾相信/探究，就係因為怕經濟崩潰、信心動搖。」
一說 UFO，雲海可以說上半天，資料夠出一本書，可是他其實從沒見過。問雲海：「如果有日見到 UFO停在你面前，有個外星人走出來，你會……？」雲海想了一會答：「最好是一個和人類很似樣的，我會問佢哋『你來想做咩先﹖』如果真係 alien（異形）咁樣嘅，我會即刻搵碌棍打佢哋。」人，對於未知的東西，都特別害怕。
華富邨 Anita：眼見為實，不得不信
唱片公司宣傳大員， 80年代目擊 UFO
;)
設計圖片
「當時我仲好細個，有日黃昏 6、 7點，屋企忽然好大風，同打風差唔多。媽媽叫我將塊擋風板放上窗口，由於個窗比較高，我抬頭上望，就發現大廈頂有隻好大好大，大到可遮晒成幢大廈的東西飛過，當時佢已經飛過咗一半。它完全冇聲，底部有好多五顏六色的燈泡『眨眨吓』，顏色比一般燈泡 sharp好多，佢哋慢慢飛走，之後就完全消失不見。」
身體有「 UFO後遺症」
;)
Anita認為自己對精密電器的敏感反應，是她年幼時目擊 UFO的後遺症。
當年這宗事件目擊者不少，報章都有報道，反而 Anita自己卻不會主動同人講。
「當年我連同學仔都冇講呀！因為講都冇人信，我媽媽當日都喺度，佢都唔信。如果你不是對 UFO有興趣的話，我根本不會說，免得人家以為我黐線。其實我一直冇同人講，只是入了這行後同梁漢文講過，佢哋有興趣，周圍同我宣揚，大家先知道。」
見過 UFO的她，自言身體也受到它們的影響。「我對所有精密電器都好敏感，只要精密少少的電子產品我一用就好易壞。電腦會無端端 data loss，搵人來整，人家一來資料已經出返來。新款多功能手機又係咁，所以我根本唔用得 MP3、靚電話，依家用的都係功能最簡單的，而且一定要用 hand free，如果直接聽，又係好易壞。如果唔係當年 UFO影響到我，我都搵唔到其他解釋。」哪可有找多些 UFO資料，證實它存在？「從來都冇，眼見到的事實已是最好的證據。」 Anita望着當日見到 UFO的窗口道。
Prodip（阿庭）：期待 70後和 80後相信
前樂隊組合 LMF成員，平面設計師，《香港不明飛行物紀錄》作者
即使你不記得阿庭是誰，也會記得 LMF。粗口 band sound和 UFO大纜都扯唔埋，不過前 LMF成員阿庭覺得兩者是一樣的：香港人對於不懂的事，根本不會去理解。
2008 年，阿庭籌備了 5年的 UFO紀錄片和書《香港不明飛行物紀錄》出版， DVD賣了 4,000多張，書賣了千多本。他說已經很滿意，「當我做呢本書時，。仲未有咩人講 UFO。（你身邊的潮人都冇興趣？）唔關潮唔潮人事，佢哋真係唔想知。香港人只係鍾意睇娛樂新聞，邊個大使、邊個去溝女，社會文化扭曲得好緊要。有啲人用咗好多心機去做音樂，不過呢啲報道就可以將佢哋打殘。」
;)
阿庭見過兩次 UFO，最近一次是 08年某夜在荃灣悅來酒店附近見到 20-40隻發光體在半空中。後來他發現，墨西哥也有同類事件，名為 UFO fleet（艦隊）。設計圖片
;)
等待 2012升呢
他的書當年單是找發行商已經困難重重。「佢哋話呢啲嘢呀……賣唔到錢 o架！講真，發行商幫我發行都唔需要咩工夫，不過佢哋連咁都覺得嘥氣，可能當時恆指升到好高，唔得閒賺呢啲小錢啩？你話，香港點會有創意工業﹖」
LMF 現已曲終人散， 19歲開始夾 band的阿庭現在專心做平面設計師，為歌手王菀之等人設計唱片封套，一方面靜待全球有上千萬人相信的關鍵年份 2012年來臨。「很多資料都說， 2012或 2013年人類將會和外星大規模接觸，到時人類的 DNA功能將會被完全激發，『升呢』為新人類。可能係智慧得到提升，又可能是思想的 upgrade。」嘩！好玄。「係，所以我從來都冇去 push人去相信，我只係希望 80後同 70後個腦會唔同啲，明白呢個世界真係好大，唔係只得八卦新聞咁單一。」
;)
阿庭的記錄片詳細收錄了多個 UFO目擊者的訪問和 UFO片段，他自己第一次見到 UFO就是在他樓下的佐敦道碼頭。
;)
司徒華冠：真相愈辯愈明
報紙攝影師，「香港飛碟學會」個案鑑定員
;)
愈研究天文，愈信有 UFO
;)
圖中斜行的幼線是流星雨，而流線形的是 UFO掠過的軌跡。司徒話當時並非長望天空，只是拍攝後才發現，所以不知 UFO的真貌是怎樣的。
「我當年都係同一般人一樣，因為電視播解剖羅茲威爾外星人節目才開始對 UFO有興趣。咁啱當時香港飛碟學會剛成立，於是就參加。」當時飛碟會的活動都是聽講座，播飛碟記錄片，「不過單睇呢啲『證據』真係好唔實在，既然 UFO是從外太空來的，不如先理解一下太空是甚麼吧！於是我就去參加天文學會，離開了飛碟會。」
在天文學會待了幾年，學到了不少天文知識，你以為他終於明白 UFO是假的？錯！他又回到了飛碟學會。「好好彩，我在 99年影流星雨時影到了一個和流星軌跡完全不同，極度光亮而且在天空亂舞的軌跡，經過多方鑑定，一致認為是 UFO（左圖）。」司徒為這張罕有的港產 UFO照片費盡心力，寫成了近萬字的詳細報告，又找人譯為日文及英文，希望有更多人知道。做咁多嘢為乜？「好多人都對 UFO有誤解，認為係啲人整古做怪。其實 UFO係一門科學，當照片有愈多鑑定同查證時，真相自然會愈辯愈明。」
Moon：外星救地球
香港飛碟學會會長，英語教師
;)
「同 UFO結緣真係好玄妙， 93年我去各地旅行，在夏威夷上一個 UFO課程，結果我一聽就入晒腦，好似有一個無形的 enery去 push我咁。」那股 enery真是很勁，可以令阿 moon做義工為該課程的教授輸入資料達 14個月，更開始了她的環遊世界 UFO之旅。「多謝阿媽生得我聰明，入到港大讀心理學，做幾年嘢有嚿錢又可以周圍去玩，連阿媽都唔知我去咗邊度。」
我的龍貓
Moon現時的家也是飛碟會的聚腳地，牆身有壁畫，畫的不是 UFO，而是浪漫童真的龍貓。「點解你哋成日覺得外星人係衰人？外星人早已透過代言人話俾地球人知，現今人類其實是亞特蘭提斯古文明的第三代；前兩代文明發展過盛，幾乎完全滅絕。我哋依家科技發展過快，靈性就嚟追唔上，再係咁，隨時 2012、 13或 14年就會來個大滅絕。外星人近期頻頻來到地球，就是想大家快啲醒覺，改變自己。」
阿 Moon說得滿懷希望。雖然包括霍金、雲海都說外星人不懷好意，可是對於阿 Moon來說，外星人就像龍貓一樣，會帶來真善美和夢想。
;)
每逢周五晚上，阿 Moon的家就變成飛碟夜，大家食飯講吓 UFO，很 warm，和牆上的龍貓壁畫很 match。
;)
阿 Moon家中的 UFO物品主要是書籍，擺設最多是這個食得又睇得的 UFO杯麵。
必學 UFO關鍵詞
前 LMF的阿庭話， UFO這個課題絕對是一門通識。我也承認，整個訪問過程中，天文地理歷史人性經濟科技無所不包，轉數慢點都跟不上。如果要投入飛碟熱，當人家在高談闊論 UFO時，想聽得明甚至搭得上嘴的話，以下的 UFO keyword你一定要識。
2012
;)
幾乎每個飛碟迷口中，都會掛着 2012這個年份。他們對於 2012的理解和電影《 2012》大致相同，就是根據古文明瑪雅人的資料， 2012將是世界末日，或者說是現有文明的轉捩點。飛碟迷指出，不少曾跟外星人有接觸的人，也說外星人證實了 2012年（或之後數年）是地球的關鍵期。飛碟迷更認為 2012就是《聖經》中所說的末日，又或是佛教中說的三千大千世界的世界之一。睇下你信邊個。
UFO
UFO，即 Undefined Flying Object，不明飛行物體，又可寫作 U.F.O，但如果你寫細楷的話，表明你是一個大外行。其實任何在半空出現又不知道它是何方神聖的東西，都可以叫做 UFO，例如你見到一盞超級孔明燈而當時你不知道它是甚麼的話，它對於這刻的你便是一隻 UFO。不過，今時今日對 UFO的詮釋，已把它等同外星人的交通工具，亦即是飛碟。
Little grey
;)
Area 51
;)
Area 51喺英語世界意思已等同禁地。由於咁出名，當地更有一間 UFO酒店，供探險者入住。
這是 UFO迷的朝聖地，意義等同回教徒的聖城麥加。 Area 51（ 51區）位於美國拉斯維加斯西北約 130公里，原本是美軍基地，不過傳聞經常有 UFO出現，甚至有人懷疑這裏收藏了很多 UFO及外星人屍體。 51區神秘之處是地圖上找不到這個地方，美國政府也不承認它的存在。如果要去，必須上網找尋詳細地點，再自己開/租車過去，絕不容易。去了後，無論見唔見到 UFO，個個都話好似同外星人有了更進一步的接觸。
Billy Meier
一位瑞士農夫，自稱 5歲開始便和昴宿星的外星人接觸。外星人向他傳授了大量外星文明知識，並帶他到外太空旅行。他拍下了數百張 UFO圖片及少量影片，當中包括幾位外星美女；更寫下 3,000頁與外星人交流接觸的筆記，及大量對地球的預言。大部分 UFO迷都相信他真的和外星人接觸過，更認為他就是 UFO及外星人已來到地球的鐵證。
;)
我見外星人多過你食飯！（設計對白）
;)
這張照片由 Billy拍攝，他指圖中的是 DAL宇宙外星人 Asket，好索！
香港 UFO檔案
根據飛碟學會會長阿 Moon的資料，每兩分鐘，地球就發生一宗 UFO目擊事件，一年的個案加起來數以十萬計。以下搜羅了香港著名的 UFO目擊事件。
FILE 1：華富邨 80年代觀音顯靈事件
;)
設計圖片
華富邨 Anita的目擊經過，前面已講過了。阿君見到的一次是 80至 81年夏天的凌晨 2、 3點，睡在地板的阿君感覺到劇烈震動，以為地震，慌忙逃生。她發現走廊站滿了人，大家卻不趕着逃跑，而是抬頭上望，赫然發現天空有架黑色的東西停留不動。那架 UFO非常巨大，阿君發現它是八角形，大得可以覆蓋兩幢井字形公屋，十足航空母艦！
當大家仍在發呆時， UFO慢慢升高，底部邊緣有白色燈亮着，中間有藍和綠燈，當這些藍和綠燈一亮着時，地板便會震動，耳邊更會出現如大型機器發動時的「嗚……嗚……」聲。其他街坊睇到嘩嘩聲， UFO大約 5至 7分鐘後即向大嶼山方向高速飛走。這次應該是最多人目擊的 UFO事件，翌日有不少街坊討論，不過不少人當它是觀音顯靈，於是令事件沉寂了。
華富邨事件神秘之處，在於 UFO超低空飛行，目擊者眾多，可是留低的記錄卻少之又少，不單找不到當年的相關報道，連肯現身說法的目擊者也難找，究竟是甚麼力量掩蓋了真相呢？
FILE 2：瀑布灣銀色雪茄
;)
設計圖片
FILE 3：佐敦道碼頭天外金球
;)
設計圖片
他回家立即將事件話俾爸爸聽。「佢初初都唔信，不過第二日睇報紙，報紙話黃大仙有 200人、沙田有 300人見到，佢先信咋！」
FILE 4：淺水灣發光陀螺
;)
大陸 UFO仲多！
如果有留意新聞的話，都會發現臨近 2012年，連國內的 UFO新聞也特別多。北京首都機場及杭州蕭山機場，早幾個月先後因為不明飛行物體而要暫時關閉，可見 UFO造訪得幾頻密！下面的「國產 UFO」照片就俾各位大開眼界啦！
;)
中國第一張 UFO照。 1942年天津街頭，行人均仰望，日本人桐生幸一在整理父親遺物時發現該相片，並被傳媒報道出來。
;)
;)
網路流傳的杭州蕭山機場不明飛行物體（今年 7月）
;)
新疆：一個圓形的不明發光物體緩緩向東方飛去，其身後拖着長長的扇形白光（今年 6月）。
;)
濟南不明飛行物體（今年 7月）
假的真不了∼
早前大欖隧道入口出現了疑似 UFO，掀起全城 UFO熱。不過，非但天文台說它是假的，就連 UFO迷也說它是假的。世界上每年有成千上萬的 UFO相，學識點樣分真假，就唔怕成為 UFO盲流。
;)
阿庭去年收到的疑似 UFO相，其後判斷所謂 UFO，只是圓形街燈反射。故 UFO迷推斷大欖的 UFO也是如此產生。
;)
今年 9月引起全城哄動的 UFO相。
;)
（攝於馬鞍山，圖片由阿庭提供）
大欖 UFO事件發生後，香港飛碟學會會長阿 Moon及一眾會員都罕有地和天文台的意見一致，認為是路燈反射所致。而最有力的證據，是阿庭早在去年已經收到一張幾乎一樣的疑似 UFO照片。
撇除特地做假相的原因，香港飛碟學會鑑證組成員司徒華冠話，假 UFO照片多數基於以下幾個誤會：
1.光線反射
左圖很震撼，十足一架 UFO航空母艦，不過留心細看，天上的燈光是對應地下街燈的，因此應是反射光而非 UFO。
2.發光風箏、孔明燈
特別是大埔一帶，長年有人放巨形的 LED風箏（左圖及小圖），不知就裏的人會以為是 UFO。孔明燈也是容易被誤認的，不過它只得中心一點光，飛行速度又慢，經過鑑證很易分辨。
;)
;)
3.飛鳥
司徒華冠話，有些雀鳥在夜間也會列隊飛行，甚至急速 U-turn。香港地面燈光很多，如果鳥肚是白色的，反射地面燈光時就可能令人誤以為是 UFO大隊降臨。
香港 UFO二三事
;)
港島南區係有錢佬的集中地，亦是 UFO經常出現的地方。
●南區、海邊、大帽山最易見到 UFO
目擊 UFO要講機緣。阿 Moon話，香港的寧靜海邊最易見到 UFO；而在香港見過 UFO兩次的阿庭，就話有組織綜合以往香港目擊 UFO的資料，最多人見到 UFO是在港島南區海邊，而他的親身經驗就是以前住在荃灣的關門口村時，不少街坊都話成日會在大帽山見到，故亦是熱點之一。
●見到 UFO記得要……
影相、拍片，找其他目擊者證明自己冇眼花。你可以向天文台報告，同時將資料傳送至香港飛碟學會，網址 http://www.ufo.org.hk。
