電話： 2573 9082
營業時間： 9:30am-8pm
$50一碟燒腩飯咁巴閉？還要蝕住來賣？
「小姐，新鮮豬噃！成隻燒豬最靚同最貴就是燒腩位。一碟飯差不多俾晒成條腩骨你，成本都要$60。不過，唔係人人識食，識食嘅！我蝕住都肯買。」這番話來自斬燒肉的阿叔，潛台詞其實是不識食的，我也懶得賣俾你。
這麼有性格的燒臘店，稱為永祥。
老師傅操刀
永祥就在景光街，是舊式的燒味飯店，店面放幾張摺枱，買走堂吃均可，叉燒油雞樣樣有，都做不錯，但以燒肉馳名。
負責燒豬的雄哥， 72年入行，以前在柴灣燒肉名店桂香當師傅，學得一手好燒豬，周潤發、呂良偉、袁詠儀、譚校長等都是捧場客。
雄哥的燒肉，皮脆肉香，鮮味也濃，不太鹹，證明不是冰鮮豬，不用下鹽掩蓋雪味。芝麻皮也燒得好，金黃均勻，香脆鬆化，有熟客仔說，只要在外賣盒㓤幾個窿，即使搭個多小時車也不變腍。
問他怎樣燒出這種皮，他劈頭一句：「講你都唔明，總之要靠經驗。」
經驗多抽象，還好他讓我觀察，只見他在太空爐的爐頭上放了幾塊石頭，石頭阻擋了來勢兇兇的猛火，熱力向四面竄散，火力變得均勻。
「壓住啲火嘛，咁爆起隻豬先靚，至唔會燒到一撻撻。」
老闆威哥入行二十多年，人稱刀神，落刀乾脆利落。
夥計忠哥是老臣子，有時跟街坊食客飲啖茶，傾兩句。
老師傅雄哥最拿手燒豬，他特意在爐頭上放石塊，令火候平均。
店內是傳統燒臘店的格局，午市最繁忙。
識食我至賣俾你！
燒肉各個部位之中，以燒腩最為肥瘦均勻。燒腩之中，又以近骨位的最矜貴，一層皮，一層肥肉，一層嫩肉，一層軟骨，脆嫩甘香爽有齊，油香又有肉香，不會乾爭爭。
「呢條燒腩骨，係街坊先至識食和捨得食，區外人好少識得來買，亦都唔多，賣晒就算。」夥計忠哥說，頗有一番識英雄重英雄之感。
永祥開業十二年，剛巧在斑馬線旁的三角空地，鋪前一幅空地，不知不覺成為街坊的聚腳點，經過的都會停下同夥計傾兩句，像「城市論壇」。老闆夥計跟街坊早已打成一片。
「我哋一年三百六十五日無休，農曆新年都照常營業。梗係！新年時呢度好靜，街市食肆多數唔開。如果我哋都休息，班街坊咪無啖好食？」
老闆威哥一番話，又為燒臘味上添了幾分人情味。
燒腩肥瘦相間，有皮有肉有軟骨，層次豐富。
叉燒蜜味較淡，但肉味鮮濃，以半肥瘦的最好吃。
燒鵝$120/半隻
每日下午四點半新鮮出爐，鵝肉酥香有韌度，肉汁豐富，是斬料的好選擇。
