網誌日期：2009-08-27 22:30
以下係近來與朋友的基本對答!
問:車厘子,幾時再去旅行呀?
答:九月五號飛啦!
問:今次去邊呀?
答:巴爾幹半島
問:即係邊度呀?
答:唔....即係前南斯拉夫的國家囉!
問:都係唔知邊度呀!
答:簡單d講,可以話係東南歐!
問:咁即係去邊d國家呀?
答:咁聽住啦!會去的國家,包括波斯尼亞(Bosnia-Herzegovina),黑山共和國(Montenergo),克羅地亞 (Croatia),斯洛文尼亞(Slovenia),匈牙利(Hungary),羅馬尼亞(Romania),保加利亞(Bulgaria)!
問:嘩!咁多個國家,去好耐呀?
答:啱啱一個月!不過去七個國家,都係貪心咗d !
問:你可以放咁長假真係好啦!!!
俾埋個地圖你睇,會唔會清楚好多?
由於不是太多旅行資料作參考,所以主力係靠網友的旅遊分享作參考!
行程大致已經set好,不過book住宿仲未搞掂!要繼續努力呀!
網誌日期：2009-09-05 08:26
出發啦!最開心嘅當然係Ann and Andy啦!一早起身已經期待上機的一刻!不過要等到今晚11點幾先至飛喎!
呢個trip完本係同鐵腳小高及小梁仲有加埋小陳一齊去的,點知四減一得三,三減一得二,小梁及小陳前後因事甩底後,只得我同小高相依為命,一齊向巴爾幹出發!好彩仲有Ann and Andy相伴!
車厘子就一早起身要執行李,唔知要執到幾點!因為去一個月,太多野要拎啦!
七個國家都用唔同貨幣,所以先兌換歐羅,去到再換當地錢,呢度三千幾蚊,唔係全部我架!有d係幫小高唱的!
各位,車厘子4/10 (日)至返,到時再同大家分享我的旅程啦!
網誌日期：2009-09-05 08:26
出發啦!最開心嘅當然係Ann and Andy啦!一早起身已經期待上機的一刻!不過要等到今晚11點幾先至飛喎!
呢個trip完本係同鐵腳小高及小梁仲有加埋小陳一齊去的,點知四減一得三,三減一得二,小梁及小陳前後因事甩底後,只得我同小高相依為命,一齊向巴爾幹出發!好彩仲有Ann and Andy相伴!
車厘子就一早起身要執行李,唔知要執到幾點!因為去一個月,太多野要拎啦!
今次都有準備小禮物,送俾當地新認識或幫過我們的人!
七個國家都用唔同貨幣,所以先兌換歐羅,去到再換當地錢,呢度三千幾蚊,唔係全部我架!有d係幫小高唱的!
各位,車厘子4/10 (日)至返,到時再同大家分享我的旅程啦!
巴爾幹半島遊Day1--香港
網誌日期：2009-11-10 00:47
各位親愛的blog友仔,真係唔好意思啦!車厘子旅行返黎成個月都未開始寫遊記,皆因自己懶之餘,其實真係幾忙架!忙d乜?平日返工放工外,要整理旅行相片及行程資料啦,上日文堂及溫習日文啦,繡了三幅十字繡俾三個朋友畢業啦,搵料預備明年及後年的trip啦,追看宮心計及富貴門啦......
依家終於開始寫Day 1,希望大家支持車厘子成功完成三十日的遊記呀!
5.9.2009(六)
21:00乘搭機場巴士前往香港國際機場,22:00於機場與小高會合!原本還有小梁及小陳同行,可惜好們都先後因事甩底,於是未來三十日,我同小高相依為命的一起踏上征途!
三十日行程,要帶的東西多的是,一大喼--18.2kg,加一大背囊--6.7kg,還有手提袋--2.9kg!背囊及手提袋都跟身上機,所以無問 題,但小高就.....只是一個大喼,已經32.4kg了,於是好辛苦的取了4kg跟身,再求下情,終於俾佢成功過骨將行李寄倉!(寄倉行李限制每人不得超過20kg)
22:20入閳後,行下逛下,好快就到23:07登機!
我哋係乘搭漢莎航空LH731客機,機票連稅HKD 7693,算係咁啦!坐位椅背都有私人電視,可按自己時間及喜好觀賞娛樂節目,聽聞不久前只係大電視,有進步喎!
十二個小時後,將會到達德國慕尼黑,再轉機往目的地--波斯尼亞的薩拉熱窩!
引用(0)
巴爾幹半島遊Day2--波斯尼亞
網誌日期：2009-11-13 02:04
6.9.09 (六)
十二小時的機程,食下瞓下,好快就到了德國的慕尼黑! 時差慢香港6小時,落機時只係當地時間 05:30,不過要在機場等到11:00,才可以轉機!一於在機場再瞓過!
終於等到轉機的時候! 11:00乘搭LH3500內陸客機前往波斯尼亞 的薩拉熱窩!
(想知更多這地的歷史,請click紅色字體!)
飛機準時於12:30到達薩拉熱窩Sarajevo! 好多人都話,薩拉熱窩?打仗國家喎!喂,人哋和平好耐啦!依家仲發展緊旅遊業添!
機場細細的,取行李後想搵間torist information centre問下嘢都無,只有機場自己的information counter!好在都有本guide book攞下!
因為係星期日,所以money exchange也沒有開門,唯有用住歐羅先!(Bosnia money--Marka €1=1.9KM)
預備資料時,已經知道機場係無巴士往古城的,必須搭的士!上網預約了的Hostel職員,已經叮囑我哋,搭的士由機場往古城,不會多過€10,但係我哋在的士站向幾個的士司機問價,都話要€15,好似夾埋咁!另外想順道去埋附近的 Tunnel of Hope Museum,要加€10,嘩!搶咩!講價講咗好耐都無用!無計,事關如果返咗古城再出Museum,來回車費可能更貴,所以都係去咗先!而且司機話可以 在Museum門外等我哋,咁d行李唔怕無地方放!於是25歐就25歐啦!(後來得知於古城參加tour去Tunnel of Hope Museum要€12/P,計落,我哋自己先去Museum的決定無錯,雖然司機焗住搶,但始終係省了時間又省錢!)
上的士後,十分鐘車程,已經到達Tunnel of Hope Museum,司機在門外等我們!
92-95年波西尼亞的戰爭期間,塞以維亞軍將薩拉熱窩圍困,將城內斷水斷電斷糧,波斯尼亞政府軍只能在機場的底部挖了一條隧道作為補給線,物資從克羅地亞運入來,通過隧道入城!
入場費€2.5/P,因為我哋唔係跟Tour,所以可以自由參觀,先看了一個92-95年波西尼亞的戰爭的紀錄片!
當年圍城的地圖
隧道的高度和寬度有1.5米，大约長度800米,當時使用的時候，估計有2千萬噸食物進入了城市，並且1百萬人民通過它進出。
戰爭中被炮火擊中的建築物
Ann and Andy上了一當寶貴的歷史課!
其實博物館好細,我哋參觀了約45分鐘,便乘同一架的士回古城(25mins)!呢個咪係我哋個'獅子開大口'的士司機囉!
14:45 Check in,Hostel是在網上預定好的,位於古城內,非常便利,價錢公道,衛生,推薦!雙人房不連套廁包早餐€34/room(預定手續費已計在內)
公用大廳,還有廚房可用,弊點係要走多層樓梯!
15:30 安頓好行李後,把握時間出外觀光!
Mother of God Serbian Orthodox Cathedral
Cathedral of Jesus'Sacred Heart
按著地圖沿Mula Mustafe Baseskije街參觀各景點!
戰後多年,很多建築物仍然未重建,而且清楚看見好多子彈窿 !
Cekrekci Mosque
Fountain
Brusa-Bezistan-Bazaar ,商店街購物
必買手信--子彈紀念品
薩拉熱窩曾經長時間給奧圖曼帝國統治,因此不難發現與土耳其及回教有關的事物!
Bascarsija Mosque
Ｏld Town Hall-The National and University Library
必遊景點--引發第一次世界大戰的薩拉熱窩暗殺事件發生地--拉丁橋 The Latin Bridge
1914年6月28日，波斯尼亞塞爾維亞族學生普林西普在薩拉熱窩開槍打死奧匈帝國王位繼承人斐迪南大公。普林西普是THE BLACK HAND黑手組織成員，這個組織目標是南斯拉夫的統一和從奧匈帝國統治下獨立出來。引起了一系列強烈反應，最終演變成全面戰爭。奧匈帝國發出通牒，要求塞爾維亞採取行動懲罰肇事者，當奧匈帝國認為塞爾維亞沒有做到的時候，進而對塞爾維亞宣戰。由於重重集體協定防禦條約和複雜性的國際結盟關係，在數週內主要 歐洲列強紛紛捲入戰爭。
Gazi Husrev Bey's Mosque
18:00 跟Lonely Planet介紹去了 Zeljo 餐廳食 Cevape
Cevape即係一個包夾住D肉條,肉條就幾好食,但係個包就亁D囉,如果加返D醬汁會好食好多,可惜無得加!以我所見,真係好多當地人都好鍾意食呢種包!3KM/份 (~HKD 18)
Coke 2KM/罐 (~HKD 12)
18:30 食完快餐,隨即再食個正式的晚餐,去了Bosanska Kuca Restaurant
點了地道的Bey's soup€2,Veal barbecue meat €11 味道不錯
19:35 回Hostel
薩拉熱窩雖然仍處處可見戰爭的留痕,給人有點點的傷感,但政府正發展當地旅遊業,因此古城也給遊客好有渡假的感覺!
車厘子也很喜歡薩拉熱窩!當時好想唱鄭秀雯的薩拉熱窩的羅密歐與茱麗葉,可惜唔記得歌詞!首歌內容係講及一個真實又可歌可泣的愛情故事!
1984年，16歲的塞爾維亞裔男孩Bosko Brkic，與同齡的波斯尼亞裔回教少女Admira Ismic邂逅，墮入愛河。後來，兩人來到了薩拉熱窩，過著無憂無慮的生活，他們憧憬著將來美好燦爛的日子，卻料不到一場無情的戰爭，會令他們的美夢徹底粉碎。
1992年，南斯拉夫聯邦瓦解後，波斯尼亞人尋求獨立，但以卡拉季奇、米洛舍維奇（Slobodan Milošević）為首，極力渴求建立「大塞爾維亞」的領袖，卻不惜以滅絕方法，屠殺欲尋求獨立的波斯尼亞人，薩拉熱窩更成為了被圍攻的城市。
翌年5月，Bosko和Admira決定離開槍林彈雨 的薩拉熱窩，準備前往塞爾維亞，再打算經貝爾格萊德，移居國外。兩人越過了波斯尼亞的檢查站，急步朝塞爾維亞方向走，當他們走到途中一個無人地帶時，槍聲突然劃破了寂靜的長空，Bosko率先中槍，Admira也未能倖免，雙雙倒地。重傷的Bosko躺在地上動彈不得，倒臥在血泊之中，身處數呎以外氣若游 絲的Admira，明知自己也快熬不了，也拼命向前爬，擁抱著愛人的軀體。不消一會，Admira也氣絕了。
那天是1993年5月19日，這對25歲的戀人，一同的離開了世界。1995年10月，戰爭結束，這對小情人的遺體，翌年初夏從塞爾維亞運回薩拉熱窩，合葬在墳墓內，得到了真真正正的安息。
