電話︰ 2856 9848
太古坊是近年舊區重建，成功將一個工業舊區變身高級商業大廈其中一個代表作，太古坊的出現，令整個地區中產了，寫字樓客鍾意食西餐和 Happy Hour，在南華早報工作的朋友常跟我說：「我的鬼佬鬼婆同事，星期五晚去 Happy Hour的時間比上班還要長。」連帶整個區都洋化起來，亮麗起來。
;)
蝦醬豬肉碎炒飯$48
Oodles of Noodles的地址是糖廠街 39號，來到明明係泰蘭花，橫睇掂睇都見唔到有麵店，後來才知道，麵店躲在餐廳的後巷。
那條後巷原來跟前街一樣熱鬧，不過只限午市，因為寫字樓客人人要食午飯，這條後巷有好多選擇，有意式薄餅、越式粉麵、日式拉麵、西式三文治，而 Oodles of Noodles則走泰式路線，令整條街充滿異國風情。
這裏標榜泰式車仔麵，冬蔭功湯底或喇沙湯底連粉麵賣$25，清湯則賣$20，粉麵有四個選擇，包括油麵、金邊粉、河粉和米粉。配料方面，分$6一款和$8一款，$6一款的多數係魚蛋、豬皮、蘿蔔那些傳統用料，共有 14種，而$8一款的則是肉類為主，像肥牛、雞翼、鮮蝦之類，共十種選擇。
我揀了$25喇沙湯金邊粉，搭三款$6的咖喱魚蛋、冬菇和豆卜，以及二款$8的肥牛和紮肉，埋單一計，這碗泰式車仔麵共銀$59。另外還點了$50金柚蝦沙律、$48青咖喱煙鴨胸和$48蝦醬豬肉碎炒飯。最後發現碗麵貴過晒其他。
;)
金柚蝦沙律$50
我以一個 OL的心態對待這間麵店，甚至整條後巷，以這間麵店的收費做標準，平均五十元便食到一碟飯或麵又或沙律（ OL至愛），而且凡光顧滿$40，可獲贈汽水一罐，即係$50有飲有食，以這個區的一般白領計，算係 OK，而且白領愛食晏時間落嚟走動一下，算係鬆鬆筋骨，只不過，秋冬天還可，踏入春天雨多，夏天熱爆，相信後巷風光未必可以維持。還好，這兒其實主打外賣，應該影響不大。何以會說主打外賣？因為即使我是堂食，上枱的食物除了碗車仔麵，都是用外賣透明膠盒盛載，方便吃剩打包，還是減低清潔阿嬸這項開支，相信大家心中自有答案。
我以為沙律會先上，可是錯了，搶先上枱的是泰式車仔麵，湯夠味，金邊粉與喇沙湯底又十分協調，配料中令人失望的是咖喱魚蛋，死死實實的一團咖喱味粉糰，豆卜和冬菇都不俗，最叫我欣賞的是紮肉，相比下，肥牛都要失色。
;)
青咖喱煙鴨胸$48
蝦膏豬肉碎炒飯都幾好，只是隨飯附送的幾片豬頸肉都不怎麼樣！金柚蝦沙律，我嫌蝦的雪氣太重，冇味冇道，所以我心裏暗忖，再有機會幫襯，會請他們換上紮肉，相信會更合意。但見鄰枱的鬼佬明明比我遲來，可是他點的咖喱都上枱了，我的青咖喱卻一直未見蹤影，惟有請服務員了解，原來漏了單。
我和朋友吃不完所有食物，一如我之前所想，加個蓋，全部可以帶走，最搞笑係，由於滿$40即可獲贈汽水一罐，與朋友二人喝了兩罐，由於青咖喱比預期中辣，服務員提醒我們尚有汽水可以提供，所以再開一罐，到最後打包，還有三罐未飲，計一計前後六罐，我還以為我們共消費了$240，實情只係$205，而且我忘了付賬，店方也忘了收。最後，要勞煩朋友走了兩趟清還這條數，因為這店與上班日掛鈎，以及由中午十二點營業至下午四點，朋友星期五去到已是黃昏六點，惟有星期一再跑一趟！都是我的錯，忘了付鈔，亦忘了提點！
泰式車仔麵$59
