懂得享受人生，自然捨得揼本裝修。工作室用料都是又靚又貴，單是廚房吊櫃已要三十多萬，「多得朋友關照，你睇設計好似好簡單，其實鋪水電都用了廿幾萬。」計埋全屋傢俬電器，要成三百萬 o架。
客廳又是品酒區，有音響設備及投射銀幕，紀曉華追求靚品質，揀了約八萬的 Sub Zero酒櫃，趟門都要用近十萬元的 Rimadesio出品，最估不到梳化及單人木椅及茶几是國內出品，「國內都有好嘢，咁先真正中西合璧。」
教人煮餸
他將工作室改名叫 The Playground，名副其實寓工作於娛樂，客廳裝有廿多萬的丹麥 DALI 5.1音響，又有投射銀幕睇電視，只要將露台的電窗簾落下，在大銀幕睇《變形金剛》，非常有戲院 feel。
裝修投資過百萬，紀曉華當然識計數，他會在工作室開烹飪班，教授四道精緻小菜，盛惠每位千八元一堂，當事人講起學費都知揦脷，笑住搶答︰「我知完全唔平，但我係分享煮食以外的常識或所見所聞，係 experience，好多客人傾足六、七個鐘都唔願走。」
;)
;)
;)
;)
;)
;)
;)
;)
;)
人生黑白灰
開班以外，他亦出租工作室拍攝廣告，設計絕對不可馬虎。他最自豪得意之作，是開放式廚房的一堵黑、白、灰玻璃牆，你以為平平無奇，但意義深遠，紀曉華稱從事設計的朋友一到訪，無不激讚，「單是要掃平堵牆要三日，貼玻璃又要十多日，真係一幅好貴嘅水墨畫。」十多萬元的玻璃牆，設計概念源自西方的 Bauhaus，「中國太極係陰陽平衡，西方的 Bauhaus都係講對衡，始祖 Piet Mondrian有玩 color blocking，我便將它放上牆。」
藝術大師玩黃、藍、紅、黑色，他取其神髓改為黑、白、灰，強調這三隻都不是顏色，而是光譜，「太極只有黑、白，咁就用東方色彩，以現代手法演繹平衡。其實人生的顏色不過如此，由黑暗出來，經過光明，再回歸黑暗。」
私竇大部分的牆都是玻璃面，有焗漆黑玻璃，又有藥水玻璃，主要是方便易打理，「玻璃好似好脆弱，但彈性大，夠 trendy， finishing又靚，污糟一抹就掂。」反而一入大門便一片漆黑，沒開射燈根本看不清前路，紀曉華說這是他的個人風格。「你由工廠大廈入來，從光明進入另一黑暗空間，好似入了另一個世界。玄關位代表人由黑暗隧道嚟到呢個世界，再走進光明，跟住由廚房走向中式花園。」難怪紀曉華教烹飪收得咁貴，原來當中蘊含如此深奧的人生大道理。
;)
開放式廚房用料全部矜貴，十四萬五千的 Sub Zero雪櫃、廿四萬的 Valcucine廚櫃，就連通往露台的玻璃趟門都是十二萬多的 Rimadesio出品。紀曉華笑說六張 MDF坐椅，誤被國內朋友以為老翻貨，「五千蚊一張都幾好坐，哈哈。」
;)
;)
;)
;)
