TW 豆腐主義

地址︰荃灣川龍街 113號地下
電話︰ 2612 0268
營業時間︰ 7am-9:30pm

09年 6月以前，沒人想過豆腐店可以變成這樣：
一室光鮮、簡約有型、開放式廚房衞生乾淨，可見師傅即撞豆腐花；
豆腐不止有白色，更有黑色和紅色！還有聞所未聞的麻辣豆腐、豆腐腸粉……，光顧的居然有不少年輕潮人。
豆腐，就像活化了的老古董，少了一份古樸，卻添了幾許時尚。
將她點石成金的，是摩登街市佬 Jackie。

一身西裝，頭髮梳得令立立。家族經營多間街市檔。他滿腦子計仔，擅長將街市中的老餅食物重新包裝，以 young look殺出重圍。 08年 1月在川龍街開第一間包點先生，掂！今年 6月開豆腐主義，最新傑作是新派肉丸店牛丸哥哥。

摩登街市佬　點豆腐成金

30出頭的 Jackie，並非無名小卒。
08年初，他趁中式包子漸流行，開了包點先生，短短年半間開了 18間分店，成功上位。
他的哲學是：「任何食物都有得做，但一定要包裝。」
他的家族經營街市檔，在街市打滾多年的他，看準舊式街市的問題：污糟、殘舊老套。
「去街市買餸嘅人，大部分都係師奶阿叔，有幾多後生仔？」所以他將舊式食店去蕪存菁包裝成年輕版本，吸引潮人光顧。包點先生的成功為他打了一支強心針。
下一個目標，是豆腐店。

尋覓黃金拍檔

「我去京都旅行，人哋啲豆腐店又乾淨又靚，點解香港啲豆腐鋪一定濕？」有了開店概念，但他對豆腐生產零認識，立即致電為包點先生供應豆漿的新佛香話事人羅孟慶。
「羅生，我係包點先生嘅 Jackie呀。我有一個構思想跟你商量。
我認為舊式豆腐鋪已經式微，不如來個革新，首先環境一定要裝修得有型，第二係 sell新鮮，在店中即做豆腐。技術上你覺得做唔做到先？你話得，我就租鋪。」
聽筒那邊的羅孟慶向來敢創新，哪有拒絕之理？
經過數月反覆試驗， 09年 6月，二人合作的結晶品終於在荃灣誕生。

設計摩登簡約，吸引不少後生仔女幫襯。

門外有攤檔賣嫩豆腐、板豆腐和豆卜等。

一擲百萬包裝

看店名豆腐主義 Tofulism，已覺得新潮。
「我花過百萬搵人改名同設計 logo o架，係咪好型先？」
Jakcie自豪地說。
有型的豈止 logo？店內以黑白色為主調，簡約有型，地下乾爽；員工穿上醒目制服，不講，會以為去了某家摩登小食店。

豆腐主義以石磨做 logo， cute！

店員穿上黑白制服，很醒目。

前所未見紅色豆腐

但她最叫人耳目一新的，還是豆腐花樣百出。
單是煎釀豆腐，都有四種顏色：紅色的是紅菜頭味；黑色是芝麻味；白色是原味；白中帶紅點是麻辣味。
這些都是 Jackie的新點子：「點解豆腐一定係白色先？做成唔同顏色同口味，即刻吸引好多，又可以賣貴啲。」
這一招果然殺食。現場很多人都嘖嘖稱奇：
「嘩！紅色豆腐，未食過！」這紅菜頭豆腐用紅菜頭汁加豆漿再凝固製成，比一般豆腐添了一點蔬菜的甜香，又沒蓋過豆味；麻辣豆腐中間咬到粒粒辣椒碎和花椒，舌頭立即發麻，但豆味全被蓋過，旨在新奇而已。
除了煎豆腐，還有其他鹹的豆腐小食，都是在大路小食上加上豆腐，如豆腐碗仔翅、生菜豆腐魚肉湯。
至於豆花，則有原味、薑汁、桂花和鹹豆花可選。

紅菜頭釀豆腐$12
加了新鮮紅菜頭汁，味道清甜，好吃。

麻辣豆腐$12
豆腐混入了辣椒和花椒碎，不算太辣，但有花椒的香味，吃來微微發麻。

琵琶豆腐$10
即叫即炸，外脆內嫩。

豆漿腸粉$9
賣相平平無奇，食落卻有濃濃的豆香。

老師傅駐場

噱頭十足，味道方面也不用擔心。
別忘了 Jackie找來新佛香合作嘛。雖然店鋪地方有限，不能在店中磨豆、煮豆漿，但新佛香每日都由八鄉工場運來冰鮮豆漿，再派出三十年製豆腐經驗的朱師傅在開放式廚房即場將豆漿加熱、撞石膏，製成豆腐或豆腐花。
豆腐、豆花新鮮即製，特別軟滑有豆香，加上格局光鮮。
令這店時刻都人頭湧湧，當中不少是年輕人。
像廿餘歲的孫小姐：「環境好潮，又唔似一般豆腐鋪咁老套。我飲豆漿，豆味都幾濃。」

煎釀黑豆腐（前）$10
芝麻勁香，略蓋過黃豆香。
煎釀豆腐（後）$8
原味釀豆腐最能吃出豆味。

鹹豆腐花$9
配油炸鬼、蝦米、榨菜等，鹹香惹味。

招牌即撞豆腐花$25
豆花滑如凝脂，上枱時已加了少少薑汁和檸檬汁，更香甜。

豆漿$6
幼滑之餘，亦不失豆香。

未感滿意

鄧小姐(左)、嚴小姐(右)：「幫襯過四次，呢度豆花豆腐款式多，每次都可以試新款。」

Jackie的如意算盤，總算打響了，並迅速在八月於東涌開了一家外賣店，遲些打算再開多幾間分店。
「而家未算好滿意呀，好多客都投訴話豆腐得個滑字，唔夠豆香喎。
我同羅生每個星期都開會，傾吓點樣改善呢個問題。」
一個有計，一個有心。 Jackie和羅孟慶這對注定就是黃金組合，同時成為本地豆腐史上，兩個值得紀錄的名字。

豆腐新鮮不停做

1.新佛香每天送來兩款豆漿，一種專做豆花和豆漿，一種濃度較高的做豆腐。每包 8公斤，日日用百多包以上。

2.豆漿以蒸爐加熱至 80℃以上。

3.煮好後隔渣。

4.由朱師傅調配少量石膏，跟豆漿撞在一起。約五分鐘，豆漿凝固。

5.將豆腐倒進在木箱中，若做嫩豆腐，要盡量少攪動，保持平滑。若做板豆腐，便得多攪動。

6.以木板壓實豆腐。

7.做好後，直接送往門口的豆腐檔，$4一磚，新鮮熱辣。