「卡地亞珍寶藝術展」，即日起至 11月 22日，每日上午八時半至五時，於北京故宮午門展覽廳舉行，入場費二十元人民幣。
粉飾太平素來是中國政府的強項。
門當戶對的「卡地亞珍寶藝術展」，選址故宮午門，千呼萬喚終於揭幕。一代王朝象徵地標門前，夾道兩旁紅衣侍衞一字排開，氣派架勢唔在講，甫踏入會場甚至以為自己就是老子天王添噃。
千揀萬揀三百四十幾件展出的無價古董珍品，呼之欲出主題是它來自王室，當中不乏吹東風設計——擔當今次展覽點題主角的鑽石胸針，從線條布局到寶石選材，明顯具有東方美學色彩，潛台詞是藝術創作無分時空國界。
;)
;)
除咗架勢，我冇嘢好講。
;)
朝偉直言是卡記忠實捧場客——嘉玲姐隻牛眼咁大天文數字卡地亞鑽石戒指，曾經是 C1頭條嘛！今勻親身捧場，笑住話家中都有不少收藏品 o架。
;)
上次《游龍戲鳳》初嘗搭上卡地亞，今勻眼金金望住呢頂卷軸式鑽石后冠，喂舒淇，打乜鬼主意先？
;)
入鄉自然要隨俗，故宮舉行噃，自不然要有舞大旗國粹表演。
;)
成個故宮鋪晒紅地毯，唔講仲以為今屆奧斯卡移師嚟咗北京。
;)
晚宴精心布置，儼如為六十周年建國大典提供賽前熱身。
