forever hea: CWB 海南少爺

遊馬拉，吃盡喇沙、肉骨茶、娘惹菜，好味得一日吃足七餐。新加坡？海南雞飯、大牌檔胡椒蟹，一樣叫人念念不忘，成日想趁 weekend飛去擦餐勁。
如果你都會專程飛過星馬食地道星馬菜，今期，可以慳啲時間，留港消費。點解？新加坡文華酒店大廚已經被挖角來港，駐港炮製原裝正版雞飯呀！加上愈來愈多的星馬地道小食店，酒店又請來馬拉名廚大搞 buffet，一下子，星馬菜多到唔知點揀，總之，想食就食。

講到海南雞飯，新開的海南少爺，巴閉在請到正牌新加坡文華酒店 Chatterbox行政總廚韓勝豐，以及徒弟賴育祥擔任食品總監和大廚。韓師傅喺文華工作超過三十五年，正宗名牌貨真價實，並唔似其他鋪頭純粹參考文華 receipe咁簡單。
韓師傅負責開店，間中來港 QC，駐守香港店的大廚賴師傅，曾任職文華十六年，實力十足。從新加坡請來兩大名廚，新店主打的海南雞飯，當然依足 Chatterbox做法。雞選用 1.5-1.7公斤的三黃雞，以香料湯 90嵖熬煮，太熱雞皮會爆，稍低溫又難煮熟，溫度火候控制得好，才做到皮嫩肉滑，雞汁鎖在肉裡的 juicy效果。
賴師傅仲話雞飯更加係賣點，香而不油膩，秘訣多多︰「要用新舊米溝啱分量，南薑、香茅和斑蘭葉等等香料，專程喺新加坡運來 o架。炒香米和香料後加雞湯煮飯，新米夠爽，舊米吸水力強，索盡雞湯精華。」講究程度是薑茸、辣椒醬都要自家調製，加雞湯調味之後，仲要篩走醬料中的粗粒，非常細心。來到新店又更精益求精，雞湯用茶壺盛載保溫，奉上皮蛋蒸蛋小吃，更豐富。新店另有喇沙、 rojak沙律等地道星洲菜，全部正宗滋味。