forever hea: 佐敦廣州點心皇

2011年5月21日星期六

佐敦廣州點心皇

裝修雅致，古色古香，樓底夠高，坐得頗舒適。

點心專門店熱潮繼續席捲各區，不過並非間間都做得好，最近開業的廣州點心皇就屬於高水準的代表。
老闆王先生之前在愛民邨開酒樓，租約期滿後，轉移陣地到佐敦做點心專門店，桃紅配黑中式裝修，摩登雅致。點心師傅沿用舊班底，六個老師傅，個個超過三十年經驗。

點心四十多種，全部都是耳熟能詳的大路款式，叉燒包、燒賣、山竹牛肉球等，用料講究，手功紮實，水準很高。像牛肉球，色澤紅潤，每日到街市買新鮮牛肉做，人手打成，彈牙有牛肉味。燒賣用新鮮游水活淡水蝦做，一粒有兩隻完整的蝦仁，鮮甜爽口。就是白灼菜心都指明用北京菜心，來貨比廣東菜心貴一成，捨得用靚料。
點心全部即叫即蒸，全日都見師傅埋頭苦幹，每次柯打要預了等十分鐘以上。
除了點心外，還有十多款泰式小食及粉麵，都是由從前在王先生酒樓打工的泰菜師傅做，酸辣鳳爪、炭燒豬頸肉，味道正宗，點心加泰菜，有實力，有新鮮感。