嗜肉如我，望住吋半厚嘅 32安士霸氣安格斯牛扒，切得利落咬得開懷。手感口感大滿足，全拜香港日漸盛行嘅風乾魔法所賜，廿分鐘鋸完個扒，但事前風乾需時 28日，牛肉味勁濃，心機貨嚟 o架。
新開張「 Manzo」位於時代廣場十一樓，店舖名字為意大利文，即「牛肉」之意，擺明車馬 Sell靚牛。食通天有唔少特色食肆，但數到裝修意念出眾，真係要畀「 Manzo」一個 Like，用意大利街市為裝修主題，肉類蔬菜全部 Show晒出嚟，有幾新鮮一清二楚，另設半開放式廚房，將廚師煎焗燜煮等等手藝呈現大家眼前，明刀明槍話畀你知有幾貨真價實。呢間舖用啡黑二色做主調色，粗糙磚牆、光滑木地板、嵌入牆身嘅酒樽裝飾，另配柔和燈光，整體嚟講好有親切溫暖感，最愜意係座位擺設，中間長枱靠牆卡座，擺枱闊落唔會坐到寸步難行，就算午膳時間全場爆滿，氣氛熱鬧但唔覺擾人喧嘩，未動手開餐前，我都忍唔住懶型講句：「 Buon comodo！」（好舒服！）
坐定定試食，重頭戲係全港獨家 Grade A安格斯牛扒，安格斯黑牛來自加拿大 Grand Prairie有機牧場，牛隻以食草為主，兩歲至臨屠宰前才餵飼穀物，以增加牛肉脂肪比例。大廚 Antonio由加拿大回流，外表睇有啲年少輕狂，但煮菜認真，親身飛到牧場揀靚牛，枱上廿分鐘，枱下一月功，「 Manzo」誠意不止於此，特設風櫃將牛肉吊起放妥，維持 1℃低溫保存足足 28日，呢個程序叫「 Dry Aged」，即「風乾」，有助牛肉流失多餘水份，從而令肉質更香濃。老實，雖然同外國啲大規模風櫃仲有距離，但呢份誠意同努力，已經比香港唔少似雪櫃多過似風櫃嘅所謂風乾炮製，贏十九幾條街咯。
;)
■一邊擺放蔬菜、瓜類同汁醬，頗有街市氣氛。
;)
■卡座靠磚牆擺，想坐梳化鋸個靚扒，唔該早啲訂枱。
;)
■餐廳可容納 120人，座位編排唔會太逼狹，坐得相當舒適。
;)
■蒜頭、香草同巴馬腿周圍掛，高個子小心撞頭。
;)
■餐巾用紅線繡上牛隻唔同部位名稱，好有心思。
;)
■風櫃設於入口側，不但無生肉恐怖感，望落仲 Feel到肉質極嫩。
Broiler烤爐燒得平均
;)
■大廚 Antonio
;)
■加拿大安格斯戰斧有骨肉眼扒，超巨斧頭扒連骨上，勁有霸氣，話就話二人份量，但 OL嘴仔細細，四個人都夠 Share，$1,180/32安士。
;)
■吋半厚，肉質嫩滑軟身，輕輕鬆鬆就切得開。
;)
■用蜜糖封面，外脆內軟，肉質呈粉紅色，望見都口水直流。
模特兒 Vanessa一直忍口，幾靚嘅扒幾香嘅意粉都只係輕輕淺嚐即止，原來同大部份女仔心態一樣，留肚食甜品！壓軸上場係女士們無不瘋狂嘅 Tiramisu，由糕底到頂層嘅杏仁雪糕，全屬餐廳自製，味道同軟滑度拿揑得極出色，淺嚐一小匙，酒味偏淡，跟食開嘅有明顯分別，原來又係 Antonio主意，避免酒香過度搶走蛋糕及杏仁香味，正想回頭試多啖，發覺成杯 Tiramisu已經被 Vanessa迅速 KO，令我深深明白到，想獲得女伴歡心，帶佢去「 Manzo」擦番餐一定無衰。
;)
■意大利切粒沙律包含三款意大利菜，有濃香意大利芝士鋪面，女生至愛，$128。
;)
■意式香炒花甲，配料有煙肉同香草，肉質鮮嫩，無話畀配料搶晒風頭，$138。
;)
■鮮蜆白酒扁意粉，偏向清甜，自製 麪條超彈牙，絕對有水準，$128。
;)
■ Tiramisu故意調低酒味，不致掩蓋蛋糕同杏仁雪糕香味，$68。
;)
■中央擺放切肉機，連巴馬火腿都係即切即食。
;)
■ Broiler烤爐，優點係熱力平均，火候控制貼近廚師心水。
地址：銅鑼灣勿地臣街 1號時代廣場 11樓 1104號舖
（蔡瀾）;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
;)
