潮記秘製牛雜
地址/登打士街 55號 6號地舖(好景商場斜對面)
電話/從缺
營業時間/ 1pm- 10pm
旺角花園街南段，有間街頭雜食店，開業未及半年，生意好到不得了。
事頭婆單邊利剪噹噹響，手法純熟，腸肚肺膀，炆得香噴噴。
店名潮記秘製牛雜， 1950年代紮根旺角，由走鬼檔做到入鋪，歷經兩代。
年前在太子水渠道揚名，年內加租遷到現址，近兩年，第三代也來幫忙，一個後生女，開朗健談，最愛搞爛 gag，用大拇指指向鼻尖，自稱 CEO。
這 CEO名銜，前頭還要加上「牛雜」兩個字，有 gimmick，夠 MK。
而且寓意深遠，背後，其實有段故事。
邊個話，牛雜唔可以潮爆！
未聽故事前，先光顧她的牛雜檔。
才發現，一代新人勝舊人，當今開雜食店，跟舊時擺小販檔大相逕庭。以潮記為例，佈局、裝置都經過精心鋪排，招牌、 Banner又大又醒目。醒目旗幡，大字標題生「財」魚肉。舊店旺場相片，高高掛在門前。連蔡瀾撰文稱許的文章，亦給放大張貼出來。
不買走？檔口安一塊不鏽鋼長板充當吧枱，暗窄後巷頓變立食區，模擬日本橫丁，食客食得開心，就會來多碗。雖云小食，但色、香、味、聲俱全，紅噹噹的牛雜，剪得鏗鏗鏘鏘。旁邊的炸豬大腸，在油鍋裏噼嚦啪啦，有聲有色又有味。再旁邊又有碗仔翅、生菜魚肉湯，吃的口味也多，大包圍梗有一款啱口味。
;)
;)
現代化經營，一洗過往賣牛雜的老套，全賴 CEO女兒 Beryl的安排，她今年三十二歲，九年前加拿大約克大學經濟系畢業，回港先後於新鴻基、長江任職企業保險經紀，再修畢 MBA，兩年前帶着新思維及一腔熱血，回鋪頭幫忙。
那時店子還在水渠道舊址，她初試啼聲，又設計新招牌，又自創押韻順口溜，甚麼「秋風起、涼涼哋，整碗牛雜暖暖哋」，食正後生仔女的潮語風格。人也不害羞，看檔時興起就背誦，途人果真受吸引，鋪面不時圍滿顧客。
只是店子後來因業主加租結束，但附近街坊、隔鄰商鋪仍戀戀不捨，因為牛雜實在好吃，腸肚肺膀骨，炆得香濃入味，軟韌各有口感，蘸點芥辣辣醬，滋味到不得了。
四個月前終於找到新鋪，這鋪位前幾手都做不住，惟獨潮記剪刀一剪，人群旋即蜂擁而至，昔日墟冚重現。因為牛雜水準仍舊維持，色、香、味、聲俱在，背後中堅，不是年輕 CEO，而是 CEO母親，事頭婆芳姐。
;)
;)
;)
;)
一日牛雜婆，一世牛雜婆！
一頭短髮的芳姐，原名吳若蘭，今年已屆五字頭，有副硬朗的形象，早在水渠道年代已響朵，名震旺角一帶。
走在街上，準有人認得她，她也自嘲像個名人，一舉一動備受留意。
說得也是，因為她在旺角一帶打滾，大大話話四十多年。
十歲不到已跟父母在鴉蘭街大世界戲院前擺牛雜檔，打後數十年街檔謀生，由牛雜妹做到牛雜婆。
父親其實不想她做牛雜妹，她是大女兒，父親疼她，賣牛雜賺到錢，讓她入讀名校聖羅撒小學，希望洗脫貧賤。開學第一天，步行回校，校外泊滿砵砵車，同學們像小公主般出場，阿芳看楞了眼，第二天起父親每天租白牌車，讓女兒也有點排場。但始終階層有別，有次老師碰見阿芳賣牛雜，未幾全校目光都變得異樣，被歧視的感覺，至今難以磨滅。
「所謂名校，個個眼角生喺頭殼頂，連修女都係咁，我喺裏面一個朋友都冇。」阿芳懂事，從沒遷怒父母。只是自卑感，暗自在作祟。
十八歲，她投考女警，想改寫命運。「阿爸問我第時上司要你拉小販，
你拉定唔拉？我答唔到。」結果她留在檔口。
十九歲，她遇上一個男人，再度閃現希望。對方是隔鄰檔口賣豬腸粉的，
學歷高、有見識，看檔時英文報紙不離手，阿芳見他文質彬彬，家境亦不俗，覺得可以附託。
「佢出手好豪，我考到車牌，成架二手 Copper送俾我。同佢一齊，好似升高咗個層次咁。」但這只是泡影。她二十四歲結婚，同年生女，一心養尊處優做少奶奶，豈料翌年失婚。
「奶奶話我食佢嘅、住佢嘅，要我交返啲嫁妝出嚟，我即刻搬走。後來個女有病，做老竇嘅連睇都唔睇吓，我索性搵律師辦分居。」
;)
;)
;)
;)
從一度仰慕的夫家跑出來，她更加畏懼別人的目光。「個個睇住我大，返嚟看檔好似公告天下我衰咗咁。」她一度帶着女兒遷往他區，要過了兩年，才克服心理障礙，重回旺角作馮婦，從此再沒離開旺角。
對家裏這街邊檔，芳姐又恨又愛。因這檔小生意，令一家保有溫飽，弟妹更得以升學。
87年，父親患上腎病，她更堅定不移，留在店中工作。
為替父親籌措醫藥費，她跟母親沒日沒夜賴在金聲戲院前，日間怕驚動小販管理隊，賣不會冒煙的缽仔糕。通宵時段，再賣生意好的炸豬大腸。農曆新年初一至初三，政府部門放假，沒人拉小販，她和母親拿拿臨將車仔推出鬧市，把握每分每秒，賺多幾塊錢。
失手就擒，還是有的。有次走鬼，芳姐不慎跌了一跤，幾個小販管理人員立時將她按在地上，在場的新聞攝影記者，咔嚓咔嚓照個不停，芳姐覺得屈辱至極。
「我都走唔到啦，使唔使搵幾個男人㩒住我呀，旁邊啲街坊都睇唔過眼，鬧到媽媽聲。」
她憤慨地說，聲調特別誇張，原來眼眶紅了，想引開我的注意。
即使受苦受罪，她沒再指望改變。至此人生已成定局，她認命，辛酸錢不易賺，但，賺得總比別人多。錢賺到就可給父親最好的，其他病人要往醫院洗腎，她買下兩部洗腎機，讓父親在家裏進行。
「我唔食都要俾醫藥費佢。阿爸一直咁錫我。」幾年後、 1994年，父親病逝。
;)
;)
牛雜新鮮、雪藏貨互相搭配，以防羶味過濃。
在芳姐眼中，父親是個本事的男人。即使街頭小食，製法、用料，自有一套板斧。芳姐總愛跟在父親身後，到新填地街誠興號買香料。潛移默化，現時店子幾款小食，都配以獨一無二的汁醬，且全部自家調製。
每隔十來天，她就沿父親生前的路線，往誠興號入貨，老闆李先生跟她熟稔，見有記者訪問，笑笑口搭腔：「我哋交易咗兩代喇，佢同佢老竇一樣，唔理價錢，專係買靚嘢。」
煮牛雜，她用越南桂皮、廣西大紅八角等香料，加入藥材，調校秘製醬汁。
煮魚蛋的咖喱膽，又用多款香料粉加藥材混成，紅椒粉、黃薑粉、甘草樣樣有。
連給人客蘸燒賣的辣椒豉油，她也自己炮製，看她示範，芫荽、洋葱、香葱、蒜頭、香茅……芬芳撲鼻，煎煮至少半句鐘，再加豉油及東非辣椒乾，邊攪拌邊煮，合計逾一小時。
幾款汁醬，她視乎流量輪流烹製，如此一來，幾乎隔天就要製作，店子淺窄，她要縮在一角，彎低腰遷就座地爐頭，當醬汁滾個沸騰，即使現在冬天都大汗淋漓。如此辛苦，她還是抗拒坊間的現成醬汁。
「買現成料又貴又唔靚，自己做其實成本仲平，但就好味得多。」說成本平，是她忘記計入更加貴重的工夫錢。「街頭小食，都係手板眼見工夫啫。」她又妄自菲薄。
女兒 Beryl忍不着說：「媽咪就係咁，剩係耷低頭做嘢，唔識得宣傳。」
號稱牛雜 CEO的她，回來幫忙，正是要為母親謀變革。
;)
;)
;)
;)
;)
阿媽賣牛雜養大我，一啲都唔簡單。
Beryl回來，帶着一番雄心。
她銳意把店子形象年輕化，除了登報賣廣告，又在 facebook上開設潮記牛雜群組，籠絡一班年輕客人，又計劃將來生意上了軌道，會開一間有得坐的牛雜小食車仔麵餐廳。
「 CEO要食腦 o架嘛！我哋睇長遠發展嘅！」
她和母親有着不同的思維，母親強調力不到不為財，她則注重管理，自己站高一線掌舵看遠景。
像食物製作，她至今只學會了做碗仔翅及生菜魚肉，複雜得多的牛雜，仍由母親及請回來的阿姐代勞。
「要發展唔可以乜都自己落手落腳，粗重嘢可以請人做，你識管理就得。」
她的目光，半點沒有市井牛雜妹的影子，這還得歸功於她母親，因為母親從小就致力培養她成材，助她走出牛雜妹的宿命。
「媽咪自細唔鍾意我喺條街度，成日叫我留喺屋企好過。」她說。
芳姐認為，旺角街頭雜，出入的人，又打交又食煙，女兒多留一會，學壞機會又高一點。總之留在街上就有千樣不好。於是，花盡九牛二虎之力，安排女兒出外留學，千方百計送她遠離這階層。
母親如願以償， Beryl最終留學加拿大，學成歸來，回港在上市大機構任職，連 MBA都完成了，本應平步青雲，但 08年金融海嘯，卻將她的心態完全扭轉。
「金融海嘯殺埋嚟，大老細全部關水喉，我哋公司第一時間講明，出年冇人工加；但係工作照舊喎，仲成日俾上司追 quota。」
逐漸逐漸，她覺得上班很乏味；反而周末、周日，偶爾往鋪頭幫忙，更感有趣充實。後來，發展到一個地步，竟然選擇全職回來幫手。
母親期望她往外闖，女兒卻選擇回來，命運真諷刺。
辭職那天，上司跟她聊了良久，原來對方家裏也有檔雜貨鋪生意。
「佢鼓勵我放開成見，咩嘢理論都好，要運用就要將佢生活化，冇話街邊鋪用唔着嘅。」
;)
;)
;)
Beryl像給點化了，對母親過往的付出，體會更深刻。
「媽咪成日忽略自己嘅成就，實情佢做街邊、賣牛雜、單親養大我，一啲都唔簡單。喺佢個年代，絕對稱得上時代女性。」
女兒沒有被受歧視的陰影，態度比較豁達，聽見母親被喊牛雜婆，就先發制人，自封牛雜 CEO，以諷刺化解諷刺。
母親自卑心結難解，她將牛雜、豬大腸包裝成潮流小食，告訴所有人街邊有「正嘢」，為外公、外婆、母親追回幾十年來的價值肯定。
「街邊又如何？好食就係好食，無論喺邊度，我媽咪嘅牛雜都係煮得香噴噴，鉸剪都咁響噹噹。」
宣傳措施上場後，鋪頭人氣旺了，不時有年輕人拿着雜誌廣告按圖索驥， CEO之名，彷彿由戲言變真實。但 Beryl深知，沒有母親的拿手牛雜，任何措施都是假。同樣地，沒有母親用心良苦的栽培，也不會有今日的 CEO。
子女事業有成，向來是對為人母者最大的回報。如果這成就，正正來自最初讓母親吃盡苦頭的同一門事業，那吐氣揚眉的意義，豈不更令人快哉？
;)
;)
;)
;)
