TH 勝手

地址：大坑銅鑼灣道 134號
電話： 2806 3678
營業時間： 12:15pm-3pm， 6:15pm-12mn
平均消費：$300

天氣終於涼涼哋，想打邊爐？仲去酒樓或者連鎖店？日式鍋物已經全面入侵，今年港式火鍋大受威脅！
未到秋天，新火鍋店陸續開業，這間將日式 shabu shabu左添右加，似足打邊爐；那間主攻北海道牛奶湯底；一人一鍋又比以往多。總之，唔再係鴛鴦鍋配手切肥牛游水海鮮咁簡單，集合中式日式優點，先至係今年大熱 hotpot。

勝手靠每日鮮熬的香濃鱲魚湯打出名堂，開業幾個月就在銅鑼灣道開分店，同樣將座位設計成 U字形吧位，俾客人排排坐一人歎一鍋 shabu shabu。新店較寬敞，座位多一倍，暫時仍未日日爆場，忽然想食 walk in也可以。

夠膽喺短期內開新鋪，當然不是純粹將原有一套搬過來。這裡參考銀座餐廳 Shabu禪，增設活動式切肉機，客人點菜後，師傅會將切肉機推到客人面前，即切肉即奉客，絕對不會貪方便預早切好，破壞肉質。

對奉客程序更講究，因為新店賣更多高級和牛。宮崎西冷、鹿兒島喜刺、佐賀肉眼等六款，四款達 A4及 A5級，放入魚湯中只要灼幾秒，入口柔軟溶化，肉味香濃。嫌一種吃法單調，串燒小吃也加了十多款和牛菜式，鵝肝漢堡用上頂級和牛的肉碎來做，應該可以滿足你。

宮崎和牛肩底（ A4）
鹿兒島和牛喜刺（ A4）
宮崎 A5西冷
散叫 A4和牛$330/150g，宮崎 A5西冷$380/150g。

切肉機放喺吧枱中間，新鮮整潔，一目了然。

和牛以外，還有不少海鮮可單點，鱈場蟹腳$180。

一口和牛鵝肝漢堡（前）$90入口油潤啖啖肉汁。和牛野菜卷（中）$68、和牛粒飯團（後）$48。

新店限定的全新佐賀牛紙鍋$260，豆乳湯很清香， A5級佐賀肉眼是多款和牛中肉質最滑，雖然只得 80g，不過連雜菜、烏冬及甜品，絕對滿足。

做真正能減肥的運動

減肥同所有事情一樣，只要肯付出，一定有收穫。例如肯花時間做運動，一定減到肥。
你或者你的朋友曾經做過運動，但係唔 work，甚或做到麒麟臂或甲組腳？不過，全部唔係運動嘅錯。你一定係做得唔夠/做得太多/用錯方法。要做運動，就一定要做真正可以減肥的運動！以下由大學教授教你真正有效，且可以喺屋企甚至 office做的減肥運動，並由 Macy（陳美詩）帶頭示範。

改良版 sit up減下腹

Step 1：雙腳交叉屈起，雙手放頸後。
Step 2：盡力將整個上身拗向膝頭，雙腳必須維持不動，此時應感到下腹正在用力。
Step 3：盡力將整個上身交替扭向左面膝頭及右面膝頭，此時應感到下腹及腰側正在用力。

傳統 sit up減唔到肚腩

香港大學運動及潛能發展研究所健康及體能訓練主任梁達強
「好多女仔一見有肚腩就做 sit up，但做咗好耐都唔見效果。其實 30年前已有研究證明，傳統 sit up係減唔到肚腩 o架！當時找了一班人在 30日內不停做 sit up，結果每人做了 5,000多下，但發現肚腩的脂肪仍然喺度，只係肌肉略為收緊，對尺寸幾乎冇影響。因此要記住一個重點：脂肪冇得局部殲滅，一定要整體減；反而針對性運動就可以局部收緊身體線條。」

大學教授教你減腩收線條

要身形靚，磅數只係心魔。浸會大學體育系副教授劉永松話（下圖），女仔如果 BMI（身體質量指數）唔超標，但望落又肥又墜，肌肉又鬆弛，未必係磅數問題，而係同線條唔夠 firm有很大關係。
身形纖巧的 Macy，本身都有做運動的習慣，不過就冇針對收緊線條，佢話自己一食飽就好易出胃腩，而且腰背位置好易攰。劉永松教授指出，係因為 Macy的腰背肌肉唔夠強，他建議做兩套改良版的 sit up，收腹之餘仲可增強腰背肌肉，令腹部線條更玲瓏。

新絕招：邊按摩邊運動

Macy 由於沒有固定鍛煉腰腹以下位置，令下半身的線條不夠修長。劉永松教授話，好似 Macy呢種冇咩脂肪的女仔，只要每天做減腿和減躉運動， 4-8個星期就可以令腿部線條「返晒嚟」。佢又話，減小腿要有恆心，因為大小腿需一起鍛煉，而大腿肌肉會承受大部分重量，餘下重量才由小腿負責，因此小腿肌肉收緊需時，做時要耐心些，唔好咁快放棄。

輕量級減腿運動

雙手各持啞鈴，手垂下，左腳屈曲成 90度角，右腿向後伸，將力量壓向左腿。記住身體要保持挺直。維持 5-10秒後，左右腿交換做。

重量級減腿運動

Step 1：將按摩器佩戴在小腹及大腿之間，一邊運動一邊按摩，以紓緩大腿的不適感。
Step 2：雙腿微曲向下壓，幻想自己坐無影櫈，維持 5-10秒。記住膝頭絕不可超越腳尖，否則用不到腰部肌肉。如果你覺得這個動作很難做，就表示你的腿肌無力，建議先做輕量級減腿運動，待肌肉強化再做重量級版。

減龍躉運動

Step 1：將按摩器佩戴於臀部，一邊運動一邊按摩，可加重臀部負荷及能量的消耗。記住要站直身軀。
Step 2：上半身盡量向下伸，令手指可碰到（或接近碰到）腳尖，維持 5-10秒。此時應感到臀部及大腿上半部肌肉有繃緊感覺。

唔做運動冇曲線

浸會大學體育系副教授劉永松
「香港女仔唔做運動，令成個身體都冇肌肉線條，結果一係得個瘦字，一係就成身鬆泡泡。所以不少女仔磅數好理想，但手臂、大髀總係好似有肥肉，其實只需要做啲 active exercise（主動性運動）， bye bye肉、豪華臀自然冇晒！對於從來未做過運動的女仔，可以使用輔助工具如按摩器及彈力帶輔助。不少女生收工後可能已腰痠背痛，此時邊按摩邊做運動就令她們覺得較舒服，更有動力持續地運動。」

改良版 sit up減全腩

（以下運動，每套要做 10-15下，每次重複做 3次，並注意用力時需呼氣，放鬆時需吸氣，以 sit up為例，提腿時就要呼氣。）

Step 1：雙手放在腰後作一個心形手勢，以墊住腰骨。

Step 2：平躺地上，上身完全不動，腿稍微屈曲向上盡量提起，維持 5-10秒。

再見 bye bye肉

劉永松教授話，香港女生坐得多，又少做粗重嘢，日常生活中好少用到手臂後方的肌肉，於是即使好瘦的女仔，都有一大嚿 bye bye肉。坐得多亦令到腰背弱，企多陣都全身痛；腰部肌肉鬆，連帶條腰都粗埋。
以下兩套運動，減 bye bye肉之餘，亦可連消帶打強化腰背。

減 bye bye肉運動

Step 1：端坐椅子上，雙手握啞鈴在身側垂下。
Step 2：雙手同時向上提起，記住不用伸得太直，手肘部位微曲才可用到手臂內側的 bye bye肉。

減 bye bye肉+強化腰背運動

Step 1：如果長期坐着而腰背又易痛的女士，可先於腰背佩戴按摩器，面向地俯伏，手置於肩膊稍前位置，微曲即可。

Step 2：用力撐起上身，記住用手臂力而非肩頭力。如果覺得難以撐起身軀，可將手掌置於較遠離肩膊的位置，即可較易撐起，但效果會稍遜。

Office減臂兼收腰大法！

每日返工最少 8個鐘，唔喺公司做運動簡直就係浪費。以下兩招既可收腰又可減手臂，最正係坐住做都得，最啱 OL！

Step 1：端坐椅上，把按摩器戴於小腹之前，望向前方。
Step 2：右手搭在椅背上，腰向右扭，左手搭上椅側。記住只是腰部用力，手切勿用力。維持 5-10秒。轉向左邊再做 1次。
Step 3：身體放鬆扭回正前方。然後雙手上舉，左手捉住右手，記住左手用力，右手不需用力。身體向右邊彎腰，維持 5-10秒。右手捉住左手再做。

（每個動作要做 10-15下，每套運動需重複 3次，並注意用力時呼氣，放鬆時吸氣。）

2

3

Macy：「做完運動好似排咗毒！」

Macy話最鍾意做運動後流汗的感覺。「好似所有唔開心嘢都隨住汗水排走，排咗毒一樣。」佢話一向都係跑步，未試過戴住按摩器做運動，「第一次用呢個方法做運動，雖然按摩器有少少重，但震動後真係可以紓緩伸展肌肉時的痛楚，原本我以為做唔到的動作都可以完成。」

一條橡筋收全身

做運動，唔一定要俾錢去健身室搵健身教練，單對單教你做機咁大陣仗。尤其是女仔做運動係為咗收線條，唔係練肌肉，用歐美勁 hit的 stretch band（彈力帶）來做運動就最啱。只要搭配不同動作，一條彈力帶已經可以收靚全身線條！

收上臂運動

Step 1：雙手放背後，將彈力帶纏於手上，調校至合適長度。

Step 2：雙手向相反方向拉扯，手臂感覺到用力即可，維持 5-10秒。這動作可令背脊及上臂看起來冇咁厚。

收手臂及背肌運動

Step 1：雙手放身前，將彈力帶纏於手上，調校至合適長度。
Step 2：雙手水平放於肩前，其中一手拉長彈力帶作射箭狀。維持 5-10秒後，交換手再做。

重量級收手臂及腿部運動

雖然呢個運動由男士示範，不過女士都做得，佢一方面可以收手臂，又可減到大腿，不過運動量都幾大，小心練過量會練出個老鼠仔。最啱就係節食/食藥減肥令身形鬆弛的女士。
Step 1：右腳踏前屈曲，左腳踏後，將彈力帶纏於手上，手向下垂。（圖中使用的是彈力軟管，可用彈力帶代替）。
Step 2：反手向上拉，維持 10-15秒，換另一邊腳再做。

解答 7大運動減肥迷思
1我肚腩有好大嚿肥膏，可唔可以齋減肚腩？

脂肪會先積聚在肚腩、臀部、手臂，因此發現自己有小肚腩就要開始減肥，不然豪華臀、麒麟臂就會跟住嚟！

唔可以。因為脂肪是全身性的，它是你平時消耗不完的卡路里，留待你飢餓時燃燒。因此要減走肥膏，就要消耗多點卡路里，做運動是最實在的方法。要全面運動減肥，首先要做運動甩走肥膏，平日可做多些針對肥胖位置的肌肉訓練，令線條更緊緻，看起來更瘦。

2做咩運動最能夠減肥﹖

所有帶氧運動都減到肥。跑步、游水、踩單車、行山，咩都得。相對來說，游水因為有水力承托，消耗的卡路里會較少。最緊要係揀一項自己鍾意的。若然你減唔到肥，通常跟做運動的時間及強度不足有關。一般來說，初起步者必須持續做同一種運動 30分鐘，而強度方面可用目標心跳率計算，
達到目標心跳率才算真正在運動。美國運動醫學院列出了以下方程式：
目標心跳率=（ 220-年齡-靜止心率） x 0.5+靜止心率
以一名 30歲，靜止心率為 80的女生為例，目標心跳率即為：（ 220- 30- 80） x 0.5+ 80= 135
即運動時心跳率以每分鐘 135下左右最為理想，既可減肥又不致太劇烈。

好多跑步機可同時顯示消耗的卡路量，下次跑步時不妨留意吓。

4做完運動食嘢，係唔係會特別吸收？

唔係！本身有 300卡路里的食物，你幾時食都會吸收 300卡路里。運動完食嘢易肥，係因為你不知不覺地吃多了。如不想 overeat，可試試做完運動立即飲水，待沖完涼換完衣服才進食，可減低飢餓感。

5點先知道自己消耗了幾多卡路里？

由於運動強度不同，即使大家做同一種運動，消耗的卡路里也有分別。健身室中，大部分運動器械都可同時計算卡路里消耗量，如果你唔鍾意在健身室做運動，不少計算心跳的錶都可同時計算卡路里消耗量，而且較運動器械準確。

6做幾多運動先減到一磅肥肉？

1磅肥肉=3,500卡路里。一星期內行 45公里可以減到 2,800卡路里，重 130磅的人士緩跑 1公里才減到 85卡路里，約等於一塊半方包所含的卡路里，各位食嘢前三思！

7如果我只有很少時間做運動，但想快啲減到肥，健身室有咩運動啱我？

划艇機啦！梁達強話，划艇機是眾多運動器械中，最能全面運動全身肌肉的，所以收線條效果也最好。

划艇機是 gym裏面最減到肥的器械，不過記得每次最少連續做 30分鐘，達到目標心跳率才有用。
資料提供：劉永松教授、梁達強

MK 永合隆飯店

阿蘇推介的極品燒肉，不過價錢就不平，一條骨要60元，一盒燒肉一陣就被工作人員清盒。阿蘇個人認為最好食的部位是腩肉，還要半肥的最好食。

地點:       永合隆飯店

地址:       旺角砵蘭街392號

電話:        23808511

CR 王府

每次打牌或鬥地主阿蘇都會買定這裡的餃子去招呼朋友，可是每次要買這個番茄蛋餃子外賣時，老闆娘都不肯賣給她，原因是番茄易出水，買回家一定要即煮即食，否則擺放太耐就會變了番茄水餃，所以老闆非常堅持一定要即買即食。而阿蘇愛吃三款餃子包括有冬瓜餃、番茄蛋餃子、豬肉津白餃子。

地點:       王府

地址:       中環威靈頓街98-102號翡翠中心地下A舖

電話:        21218006

KC 樂園

阿蘇自認在30多歲時是一位奶茶精，只要一起身就要飲奶茶，由於她太喜愛，令到她的舊同事都爭相請她飲奶茶為榮。她帶大家到九龍城不是飲奶茶而是食非常有特色的奶茶紅豆冰、鴛鴦紅豆冰及咖啡紅豆冰。

地點:       樂園

地址:       九龍城市政大廈3樓1號舖

電話:        23823367

TST 唯一麵家

這裡的粢飯是阿蘇的早餐至愛之一，一般的粢飯只有半條油條，但阿蘇有特別要求，她要一整條油條；究竟如何將一整條油條與飯放在一齊呢？一齊睇老闆如何示範；阿蘇最欣賞她就是她的手藝。

地點:       唯一麵家

地址:       尖沙咀厚福街10號地下

電話:        23111498

KC 清真牛肉館

牛肉餅的食法是有學問的，阿蘇即席示範如何食法，又大讚師傅的手勢好！阿蘇強調餅內的肉汁是由肉餡裡出來的，不是預先放入的。

地點:       清真牛肉館

地址:       九龍城龍崗道一號地下

電話:        23822822

MK 富記粥品

阿蘇形容這裡是寡佬餐廳，來這裡食飯大部份都是一個人，而且非常擠迫，幾乎一吃完就要走。阿蘇推介這裡的芥菜魚云湯是非常美味，乾炒牛河更是這裡的必食之選。

地點:       富記粥品

地址:       旺角花園街104-106號

電話:        23851230

SWH 超級無敵車仔麵

繼續是第二回美食之旅，首站是請大家食車仔麵，阿蘇推介是雞翼、炆冬菇和生根。店主就推介咖哩齋和蘿蔔，好可惜阿蘇碗麵一陣被工作人員食光了。

地點:       超級無敵車仔麵

地址:       西灣河西灣河街116號地下

電話:        29679573

SKW 金城餐廳

值95分的斑片炒河你一定要食，阿蘇食完之後又加價，但55元的水準絕對比得上大酒店的質素。

地點:       金城餐廳

地址:       筲箕灣東大街123號地舖

電話:        25131936

SKW 呂仔記

三款街坊小食魚肉燒賣、生菜魚肉和嚤嚤喳喳，足以養活兩代人及由街檔搬上鋪，就知道深受街坊捧場，所以阿蘇食完都讚口不絕。

地址:       筲箕灣東大街121號A地舖

電話:        28858590

HV 昌記

阿蘇第一站帶大家食的是回窩肉雪菜肉絲湯通粉和砂糖多士，工作人員通粉精評分98，阿蘇推介食吋半厚多士是最好食。

地點:       昌記

地址:       跑馬地黃泥涌市政大廈 2樓1及5號

電話:        25735910

CWB 凱施餅店

小時候阿蘇至愛食的是炸牛肉包和炸糖圈，她特別介紹給Philip這兩款心水美食，還為他分析好食的原因。

地點:       凱施餅店

地址:       銅鑼灣堅拿道西10號 地下G號鋪

電話:        25914422

WC 泉昌美食

要求多多的阿蘇邊鬧邊要食的臭豆腐，她覺豆腐太大件不好食，每次都要老闆為她再切開一半再炸過才覺得好食。另一樣好味小食推介是咖喱魷魚，食時不覺辣，魷魚又爽口。

地點:       泉昌美食

地址:       灣仔巴路士街7號

電話:        25758278

HV 合隆麵家

這裡的牛筋，炆得又軟又腍又入味，最重要牛筋入口軟滑要花很多功夫，這點令他非常欣賞。阿蘇卻愛食是魚片頭及牛肚，她不愛下辣椒油，一定要原汁原味才好食。

地點:       合隆麵家

地址:       跑馬地成和道39號 E6號舖(近匯豐銀行)

電話:        28932639

WC 小甜甜

這裡的雲吞皮與別不同，是由高筋麵粉打造而成；十多年來都是老闆堅持多皮小餡，才能保持味道貫徹始終。

地點:       小甜甜

地址:       灣仔駱克道393號地下

電話:        28366971

CWB 一品齋甜品屋

招牌甜品是腐竹銀杏及桑寄生茶，店主稱要兩款糖水各有各竅門， 大量生產的腐竹銀杏與家中精心泡製的會有所不同。而桑寄生茶最難掌握是苦澀味的問題，澀味不能太多，全靠經驗去判斷。

地點:	一品齋甜品屋
地址:	銅鑼灣希雲街希雲大廈 8號地舖
電話:	29150099

WC 大利清湯腩

用一百牛斤熬製而成的湯底，阿蘇大讚特讚！她強調一般的牛腩不是牛腩，因為全是牛肉，只有連著筋的才算是，大家要記實！

地點:	大利清湯腩
地址:	灣仔巴路士街29號地下
電話:	28921990

保護機密資料 嚴防釣魚網站

最近外國黑客整咗個極似 Hotmail首頁嘅釣魚網站，呃到 20,000幾人 login，仲將啲 ID同 password公開任人睇！雖然受害者主要係英國人，但其實香港都有唔少釣魚網站，電機兒上《蘋果日報》網頁數過，原來單係今年就有 7單，呢種危機唔係外國先有 o架！
俾黑客偷 email password都事小，再透過 email搵埋你信用咭號碼等機密資料先事大；仲有好多釣魚網站都係扮銀行網頁，唔小心 login錯，真係成副身家凍過水！今期就等我提醒大家，點樣先冇咁易中釣魚網站招啦！

必 check！　反釣魚網站

有時 msn或 email會收到朋友 send嚟嘅得意網站 link，好似 mini game、相簿之類，部分都會要你輸入個人資料，其實呢啲都可能係釣魚網站，唔好咁易相信。好彩，外國其實有個幾出名嘅反釣魚網站 Phishtank，由大班網友集體舉報釣魚網站，上去 check一 check個網頁有冇問題先睇，安心好多！
網址： http://www.phishtank.com

數盡釣魚招數

其實釣魚網站本身冇乜花樣，只係整得同真網站一模一樣，再將 login ID同 password欄連結到黑客個 database。問題係佢哋點都取代唔到真網址，一定要用個近似嘅網址去扮，點樣引人 click入假網址，就有好多陰招喇，其中可分為下列兩類型。

魚目混珠型

上 Google博大霧
就連你上 Google同 Yahoo search網址，亦唔係 100%安全。因為如果個釣魚網站扮嘅真網唔係太出名，呢兩個搜尋器未必知道係假，要到有人投訴佢哋先識刪除連結，中間嘅空檔有可能令人中招。
易上釣度： 80%

Google有時真係會走漏眼，收錄埋釣魚網站，到懷疑有問題時，先會喺 link下面加句「這個網站可能會損害您的電腦」，見到咪 click呀！

扮真網賣廣告
好多 forum都俾人落廣告， post條 link喺版面上，釣魚網站好易混入其中，尤其係啲 BT forum同鹹網，啲廣告 link真係小心為上！就算係 facebook，亦有可能睇漏眼，同 Google一樣俾釣魚網站落到廣告。
易上釣度： 70%

放電影 BT種子嘅 forum本身都咁邪道，有釣魚網站上去賣廣告都唔奇，入之前最好 check清楚！

Email藏假 link
最常見嘅釣魚方法，黑客扮銀行寄 email畀你，假 link收喺圖入面，唔 show出嚟， click圖就直接帶你入釣魚網站。好彩家好多人都識提防呢類 email。最多係用手機上網時，貪方便唔想打多次網址嘅人先會中招。
易上釣度： 60%

好似呢封 email，都冇 show網址出嚟，只係 click圖入網頁，睇寄件者電郵 address又好難知真假，都係唔 click為妙。

拆解辦法： bookmark才是王道

呢 3種釣魚招其實唔太嚴謹，黑客只係博間唔中有失魂魚，冇睇清楚條 link就 click入假網站 login。最簡單又最有效嘅拆解方法，就係任何時候都自己開新 browser打網址，唔記得或想懶嘅話，就用 bookmark啦！

瞞天過海型

免費 WiFi陷阱
就算你完全唔掂老翻，只要用 WiFi時唔小心，上錯賊船 hotspot，一樣有機會中招。因為黑客可以喺自己個 hotspot度放入 spyware，你經免費嘅 hotspot上網，中間俾人做晒手腳都唔知，隨時任人帶去釣魚網站。
易上釣度： 95%

喺街搵到有 hotspot冇 set密碼，就以為好筍黐嚟用，真係中咗黑客招都唔知乜事呀！

Spyware帶去假網
唔買正版軟件嘅人，成日會上黑客網站搵 crack程式，去將試用軟件變完全版，但啲 crack程式可能含有 spyware，會入侵你個 browser，當你打網址上國際大站時，明明冇打錯字，都會帶你去到釣魚網站，勁邪惡！
易上釣度： 90%

唔係講笑， Google同台灣 Yahoo拍賣場都試過俾人成個複製，再由 spyware帶人上釣，勁危險！

 

Search bar假搜尋
網上流傳嘅小型軟件，好似睇 RMVB、轉 MP3等（多數同老翻有關），可能俾黑客做過手腳，安裝時會自己裝個 search bar喺 browser上面。睇落好似係 Google搜尋欄，但其實係假扮，搵出嚟嘅網址亦可能係假釣魚網站。
易上釣度： 85%

Search bar就裝喺網址欄下面，打關鍵字就即刻 search到嘢，貪方便嘅人就會中招，記住打網址入 Google先好 search！

拆解辦法：隔絕邪道老翻

呢 3種高階釣魚招，真係令人防不勝防，就算次次都係自己打網址，亦有機會中招。惟有平日用腦上網規矩啲，唔好掂任何老翻軟件；用人哋個 hotspot上網時，就避免上銀行等要 login嘅網站。另外， BT等邪道 forum同鹹網盡量少去，因為有啲 spyware，係可以喺睇網頁時自己安裝，而你係唔知嘅！雖然呢樣可以透過 IE嘅設定去防止，但唔係完全穩陣 o架！

間唔中喺 IE>工具>網際網路選項入面刪除 Cookie，即係洗晒網站留低喺你部腦嘅痕跡，亦可以減低中 spyware嘅風險。

喺 IE>工具>網際網路選項>安全性入面揀自訂層級，然後將全部 ActiveX選項都校做停用，就冇咁易俾人偷偷裝 spyware。

NP 客台軒

地址：北角英皇道 310號雲華大廈(電梯一字)
電話： 2806 0886， 2806 0660
營業時間： 11am-12mn
平均消費：$100

英皇道近炮台山的滙豐銀行門口上，近來多了個大招牌，非常矚目，原來銀行旁邊的大廈一樓，開了間客台軒。

招牌大，餐廳也大，樓面連廚房有八千多呎，空間寬闊，最多可坐 300人。內裏燈光昏暗，既有圓桌，又有方桌，最初還以為是間西餐廳，原來是一家台菜館。老闆本身開客家菜館，見台式食品流行便開店賣台菜，如三杯雞、阿嫲燒雞、蚵仔煎，連大熱珍珠奶茶和棉花冰都有。又怕客人少選擇，便增賣客家菜，所以店名又客又台。
老闆請來曾於台灣當廚、又曾在欣葉掌廚的大廚坐鎮，所以台菜有板有眼，不過大廚為配合港人口味而改良了部分菜式，如三杯雞稍嫌味道偏淡。至於客家菜，就很平凡。這店最大賣點是開至午夜十二時，消夜想食台灣菜，於東區大概只此一家了。

馳名台灣三杯雞$58
由一杯酒、一杯湯、一杯醬炆製而成，加上金不換，雞肉香甜入味。

招牌鮮果雪花冰$66
冰底綿滑，水果天天不同，拍攝那天有士多啤梨、芒果、香蕉等五款，分量十足。

台式阿嫲燒雞$98
用焗的做法。一隻切開四大件，戴上附上的手套吃，皮脆肉嫩。