JD 樂壽新漁村酒家

地 址 ︰ 佐 敦 德 成 街 1-5 號 地 下
電 話 ︰ 2736 7728
營 業 時 間 ︰ 11am-4pm ； 5:30pm-11:30pm
收 費 ︰ 現 金 及 信 用 卡 ， 設 加 一 。
交 通 ︰ 佐 敦 港 鐵 站 E 出 口

 

魽 魚 入 口 夠 滑 ， 魚 腩 位 好 肥 ， 同 埋 夠 甘 香 ， 咬 落 去 好 爽 ！

「如 果 單 論 食 河 鮮 ， 最 好 肯 定 是 鰣 魚 ， 還 記 得 以 前 買 到 條 真 正 的 富 春 江 鰣 魚 ， 一 流 ，魚 鱗 的 油 香 得 流 口 水 ， 現 在 都 絕 種 了 。 ( 問 ： 上 海 菜 館 不 是 還 有 清 蒸 鰣 魚 ？ ) 那 些是 緬 甸 運 去 大 陸 ， 再 運 來 香 港 的 貨 ！ 每 斤 不 過 四 十 多 元 ， 開 價 卻 差 不 多 六 百 元 ， 把客 人 當 成 水 魚 ， 我 從 來 都 不 吃 ！ 其 他 河 鮮 都 唔 錯 ， 好 似 西 江 出 的 白 鬚 魽 ， 我 在 大 陸見 過 一 條 廿 斤 ， 香 得 夠 肥 美 ， 肥 得 彈 口 ， 皮 有 膠 質 ， 味 道 好 濃 鮮 ， 有 少 少 似 花 錦 鱔 。 但 而 家 花 錦 鱔 養 出 多 數 是 肉 鬆 散 ， 唔 似 魽 魚 咁 有 實 在 口 感 。 魽 魚 多 數 是 紅 燒 ， 好 香 口 惹 味 ， 我 而 家 就 多 數 食 蒸 ， 咁 先 食 到 魚 的 原 味 。
坦 白 講 ， 如 果 要 食 河 鮮 ， 我 通 常 都 返 大 陸 食 ， 真 係 好 多 選 擇 ， 早 排 去 間 壽 鄉 人 野 生 魚 館 ( 地 址 ： 深 圳 南 山 區 中 山 園 路 漢 唐 路 B 棟 ， 電 話 ： 0755-26988128) ， 河 鮮 款 式 多 到 數 都 數 唔 晒 。 」

 

 

 

 

劉 健 威 ， 廣 東 中 山 人， 本 地 第 一 代 私 房 菜 「 黃 色 門 廚 房 」 主 理 人 ， 從 來 都 愛 吃 河 鮮 ， 經 常 到 內 地 捐 窿 捐罅 搵 刁 鑽 河 鮮 店 ， 嘗 過 稻 米 魚 、 山 坑 魚 等 奇 形 河 鮮 ， 最 懷 念 當 年 的 長 江 三 鮮 之 首 — — 鰣 魚 ， 但 已 絕 種 ， 現 時 常 吃 肥 美 的 西 江 魽 魚 。

聞 香 三 里 瓦 煎 焗 魽 魚

魽魚 ， 正 名 應 為 鯰 魚 。 看 過 添 布 頓 的 《 大 魚 奇 緣 》 沒 有 ？ 片 尾 那 條 在 河 中 自 由 自 在 ，頭 圓 口 大 ， 有 幾 條 長 鬍 鬚 在 嘴 邊 的 大 魚 ， 正 是 此 物 。 魽 魚 天 生 大 食 ， 體 形 龐 大 ， 現有 約 三 十 多 個 品 種 ， 以 西 江 白 鬚 魽 最 為 常 見 ， 條 條 都 比 手 臂 長 。 雖 然 粗 生 ， 但 魽 魚爽 口 彈 牙 ， 魚 味 濃 郁 ， 自 有 一 批 捧 場 客 。
魽 魚 皮 厚 且 脂 肪 豐 富 ， 故 最 普 遍 的 做 法 是 煎 焗 。 其 中 樂 壽 就 做 得 不 錯 。 師 傅 只 用 兩 斤 重 的 西 江 野 生 白 鬚 魽 ， 魚 腩 位 又 大 又 肥 。 用 薑 、 酒 、 秘 製 醬 汁 爆 得 非 常 惹 味 。 膠 質 重 的 魽 魚 皮 入 口 彈 牙 ， 入 口 有 花 錦 鱔 的 影 子 ， 肉 質 細 嫩 ， 魚 腩 的 油 香 被 瓦 逼 得 散 發 在 空 氣 中 。 和 其 他 酒 家 比 較 ， 樂 壽 做 的 魚 味 更 濃 ， 雖 是 煎 焗 的 煮 法 ， 卻 不 過 分 油 膩 ， 而 且 不 會 以 計 算 ， 人 少 亦 可 以 柯 打 ， 更 有 彈 性 。