香港人真係鍾意打邊爐，周之無日都有朋友跟我提及哪兒哪處又開了一家新的，最新一家在尖沙咀赫德道，那條尖沙咀酒吧街之上，名字叫做板獎自家火鍋。光是聽見名字，見到寫法，即時讓我想起兩個人， Ricky San與曾志偉， Ricky是「板長」壽司的老闆，獎大概是《超級無敵獎門人》的曾志偉吧！原來這間火鍋店老闆共三人，第三個叫 Baron，或許名字有點陌生，但告訴你，他是米蘭站老闆，你嘅反應唔會變咗：「啊！係佢吖！」
與幾個舊同事飯聚，碰巧舊同事來電約打邊爐，我說剛巧正想試這間「板獎」，二話不說，就約好周三光顧。不過我拎住地址搵了五分鐘都係得個桔，最後惟有搵代客泊車的「哥哥仔」問路。原來店開在地庫，新開加上所在的大廈又進行維修，又棚又架，阻了視線，更不容見到那個理應「當眼」的招牌。
火鍋其實只有兩種路線，高與低，怎樣分？地段之外也看枱櫈，用到布料做椅子的，不走高檔路線算甚麼？你知一個唔覺意，張櫈就弄污糟，走平價路線的食店才不會花那樣的心思清潔打理，但打開餐牌看，價錢又沒有想像中貴，也許是因為我沒有點即叫即劏的海鮮，也沒有叫和牛吧，但我也叫了一桌配料，吃不完還打包㖭！
這家火鍋店的特色其實是港式加日式，像湯底中的鰹魚湯，但店長推介白菜仔豆腐沙鯭魚湯，才$138，也就一試，日式食材包括和牛、黑豚以及雞等，但我不愛和牛，愛$88黑豚，也試試$60日本菜彩雞，牛肉則要了$148（小）本地肩脊位的牛肉。其他配料包括從未食過的$78鹿舌、$78手打四寶丸、$38韭菜餃、$38皇帝菜、$88廣島蠔、$68黑豚芝麻菜餃、$38炸魚片頭、$38炸響鈴、$30自家製烏冬以及三個前菜，$48皇帝菜沙律、$48蝦乾芋片、$198自製鮮鮑魚。
;)
自製鮮鮑魚$198
;)
鹿舌$78
;)
日本菜彩雞$60
;)
自家製烏冬$30
;)
本地牛肉$148（小）
打邊爐先重湯底，這個店長推介的沙鯭魚湯勝在夠魚的鮮香甜美，未放任何配料前都已經夠味道，每人都喝了半碗湯才開始打邊爐。鹿舌很特別，我很愛吃舌頭、牛、豬、鴨舌，樣樣皆好，想不到鹿舌質感近豬舌，牛舌味道卻不如豬舌，牛舌那種芳濃，只是淡淡的，個性不夠明顯，有點可惜。
眾多配料當中，最叫我難忘的，一定是那碟自家製烏冬，嚼勁夠，又軟滑，話飽依然可以食兩碗，食完都覺得自己可怕。較為失望的是日本菜彩雞，凡日本雞都係走地雞，脂肪較少，味淡而肉瘦，入口較嚡，不及本地雞的滑和腍，一般人不會太欣賞。其實配料一般都有水準，我極欣賞那盤賣$38皇帝菜，因為條條菜都十分靚仔見得人，似十足上海世博選禮儀小姐一樣，身高要一米七，體重 45至 47公斤，一律長頭髮，腿長 40吋以上……是我打邊爐多年以來最叫我讚嘆的一盤菜。
至於那幾味餐前小吃，我最欣賞亦係那個用上日式調味的皇帝菜沙律，主要是因為皇帝菜有種異香，像西人的芝蔴菜，生吃十分精彩，加上日式調味，即是油、醋、豉油，在酸與鹹當中取得平衡，又發揮到菜的原香味，我可以一個人吃一份面不改容。
但不得不提，打邊爐都要講到一樣嘢就係氣氛，周圍的爐火鼎沸，人聲雜沓，叫人食得分外起勁，但這一晚，也許是新開的緣故，只有一房四枱有客人，而一房四枱都係互相認識的，除了我這一枱是來到才識人，遇到黃柏高和小肥，以及後來早退的梅小惠。好明顯要睇明星，這裏恐怕是新熱點，因為不知何故，娛樂圈藝人甚喜打邊爐，至少獎門人那幾個獎門獎老該會常在這兒打躉，唔信？同你輸賭，輸咗請食打邊爐，好冇？
板獎自家火鍋
地址：尖沙咀赫德道 6號好德商業大廈地庫
電話： 2367 6680
